پاکستان چین پر انحصار کے بجائے اپنی خود مختاری توجہ دے، پاکستانی سفراء

 کراچی: مختلف ممالک میں تعینات پاکستانی سفیروں نے کہا ہے کہ پاکستان کو چین پر منحصر نہیں ہونا چاہیے بلکہ اور اپنی خود مختاری اور سلامتی پر توجہ دینی چاہیے۔

انسٹی ٹیوٹ آف بزنس مینجمنٹ کی جانب سے ’’چین، بھارت ملٹری اسٹینڈ آف اور پاکستان کے لیے سلامتی کے مضمرات‘‘ کے موضوع پر سیمینار کا انعقاد کیا گیا جس میں ناظم اعلیٰ سفیر غلام رسول بلوچ، سفیر حسین ہارون، سفیر نجم الدین شیخ اور سفیر شاہد امین نے شرکت کی۔

اس موقع پر سفیر شاہد امین کا کہنا تھا کہ چین کی توجہ اپنی فوجی طاقت کو بڑھاتے ہوئے اپنی معاشی طاقت میں اضافہ کرنا ہے، چین یا ہندوستان کسی جنگ کا حصہ نہیں بننا چاہتے کیوں کہ دونوں ممالک اپنی معیشت پر توجہ دے رہے ہیں، چین نے اپنی فوج کے زیادہ مضبوط ہونے کا ثبوت بھارت کو دیا ہے، چین نے ہندوستان کو اشارہ دیا ہے کہ سی پی ای سی میں کسی قسم کی رکاوٹ قبول نہیں ہوگی۔

سی پی ای سی ( سی پیک) کے بارے میں بات کرتے ہوئے ان کا کہنا تھا کہ اس کا دائرہ وسیع ہوتا جارہا ہے کیونکہ مزید منصوبے مکمل ہورہے ہیں، تاہم پاکستان کو چین پر منحصر نہیں ہونا چاہیے اور اپنی خود مختاری اور سلامتی پر توجہ دینی چاہیے۔

سفیر حسین ہارون کا کہنا تھا کہ جبکہ مغرب نے دنیا کو کالونیوں میں ڈال دیا ہے، چین اپنی معاشی طاقت کو اپنی حیثیت بلند کرنے کے لیے استعمال کررہا ہے، انہوں نے کہا کہ مغربی دور ختم ہورہا ہے اور ہندوستان اس مساوات کا حصہ نہیں بننا چاہتا ہے، چین نے بحیرہ جنوبی چین میں جزیرے بنا کر ایک جارحانہ موقف ظاہر کیا لیکن چین کے خلاف امریکا کا ارادہ بھی مناسب نہیں ہے۔

سفیر نجم الدین شیخ کا کہنا تھا کہ امریکا اور خاص طور پر ٹرمپ انتظامیہ چین کے ساتھ امریکی تعلقات کو غیر جانب دار بنانے کی کوشش کر رہی ہے تاکہ ٹرمپ کے دوبارہ انتخابات کے موقع کا موقع حاصل کیا جاسکے۔

ماہرین کا کہنا تھا کہ پاکستان کو اپنی گڈ گورننس کو بہتر بنانے، اپنی معیشت کو مضبوط بنانے اور اپنی خارجہ پالیسی کے مقاصد کو بڑھانے کے لیے کام کرنے کی ضرورت ہے تاکہ چین اور بھارت کے فوجی تعطل کی وجہ سے پیدا ہونے والے کسی بھی حفاظتی اثرات کا مقابلہ کیا جاسکے۔