بلوچستان میں 20 دن کے لیے ڈبل سواری پر پابندی عائد کردی گئی

جشن آزادی اور محر الحرام میں سیکیورٹی اقدامات کے پیش نظر فیصلہ کیا گیا، محکمہ داخلہ

ویب ڈیسک جمعـء 14 اگست 2020

محکمہ داخلہ نے پابندی کا نوٹیفکیشن جاری کردیا(فوٹو، فائل)

کوئٹہ: بلوچستان میں 20 روز تک موٹر سائیکل کی ڈبل سواری پر پابندی عائد کردی گئی ہے۔

محکمہ داخلہ کے جاری کردہ حکم نامے کے مطابق 14 اگست سے ڈبل سواری پر پابندی عائد کی جاری ہے۔ پابندی 14 اگست اور محرم کے دوران سیکورٹی خدشات کے پیش نظر پابندی لگائی گئی ہے۔

دوسری جانب حکومتِ بلوچستان کے ترجمان لیاقت شاہوانی نے کوئٹہ میں پریس کانفرنس کرتے ہوئے کہا کہ جشن آزادی منانے والوں سے گزارش ہے کہ ایس او پیز پر عمل درآمد کریں 14 اگست کو یوم آزادی کوئٹہ سمیت بلوچستان بھر میں بھر پور طریقے سے منائیں گے۔