ڈائری پر کارٹون نہیں بناتا، خود کو مصروف رکھتا ہوں، یونس خان

اسپورٹس رپورٹر  منگل 1 ستمبر 2020
میرا مزاج کافی تبدیل ہوچکا، کافی پیتا اور مطمئن رہتا ہوں، سابق کپتان۔ فوٹو : فائل

میرا مزاج کافی تبدیل ہوچکا، کافی پیتا اور مطمئن رہتا ہوں، سابق کپتان۔ فوٹو : فائل

 لاہور:  یونس خان نے کہا ہے کہ میں ڈائری پر کارٹون نہیں بناتا صرف خود کو مصروف رکھتا ہوں۔

سابق کپتان یونس خان نے کہا ہے کہ میں ڈائری پر کارٹون نہیں بناتا،خود کو مصروف رکھتا ہوں تاکہ چھوٹی چھوٹی باتیں بھول نہ جاؤں اور وقت آنے پر کھلاڑیوں کو بتا سکوں، میرا مزاج کافی تبدیل ہوچکا، کافی پیتا اور مطمئن رہتا ہوں۔

انھوں نے کہا کہ میں کھلاڑیوں کے ساتھ وابستگی ضروری سمجھتا ہوں، محمد حفیظ کی نہ صرف بیٹنگ پر کام کیا بلکہ گالف میں سوئنگ بھی بہتر بنانے کیلیے رہنمائی کرتا رہا، یاسر کے بال بنائے، دیگرکھلاڑیوں کے ساتھ بھی بے تکلفی کی فضا پیدا کی تاکہ میرے ساتھ بات کرنے میں کوئی جھجھک محسوس نہ کریں، مجھے وولمر اسی طرح بیٹا سمجھ کر ڈیل کرتے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔