نیازی حکومت  بزدل اور عدم تحفظ کا شکار ہے، شہباز شریف

لاہور: مسلم لیگ (ن) کے صدر شہباز شریف کا کہنا ہے کہ پی ٹی آئی بے شرمی و ڈھٹائی سے انتقام کی سیاست کو فروغ دے رہی ہے۔

سماجی رابطے کی ویب سائٹ ٹویٹر پر اپنی ٹویٹ میں مسلم لیگ(ن) کے صدر اور قائد حزب اختلاف شہباز شریف کا کہنا ہے کہ  لیگی رہنماؤں، کارکنان، میری بھتیجی مریم نواز اور کیپٹن (ر) صفدر کے خلاف ایف آئی آر میں دہشت گردی کی دفعات شامل کرنا انتہائی قابل مذمت ہے۔

Incorporation of terrorism clause in an FIR against PMLN leaders, workers, my niece Maryam, & Capt. Safdar is highly condemnable. Shows how coward & insecure Niazi government is. PTI is brazenly promoting the politics of vendetta & revenge.

— Shehbaz Sharif (@CMShehbaz) September 4, 2020

شہباز شریف کا کہنا تھا کہ یہ اقدامات ظاہر کرتے ہیں کہ نیازی حکومت کس قدر بزدل اور عدم تحفظ کا شکار ہے، پی ٹی آئی بے شرمی وڈھٹائی سے انتقام کی سیاست کو فروغ دے رہی ہے۔