چیف سلیکٹر مصباح الحق کی ڈائریکٹر ہائی پرفارمنس ندیم خان سے ملاقات

اسپورٹس رپورٹر  جمعـء 11 ستمبر 2020
ندیم خان نے مصباح الحق کو صوبائی کوچز کی تعیناتی کے عمل سے آگاہ کیا

ندیم خان نے مصباح الحق کو صوبائی کوچز کی تعیناتی کے عمل سے آگاہ کیا

لاہور: چیف سلیکٹر وہیڈ کوچ مصباح الحق کی ڈائریکٹر ہائی پرفارمنس ندیم خان سے ملاقات ہوئی ہے۔

ذرائع کا کہنا ہے کہ ڈائریکٹر ہائی پرفارمنس ندیم خان نے قومی ٹیم کے چیف سلیکٹر مصباح الحق کو صوبائی کوچز کی تعیناتی کے عمل سے آگاہ کیا، صوبائی کنٹریکٹ میں اے پلس کیٹیگری پانے والے دس کرکٹرز کی کارکردگی اور مستقبل کے حوالے سے بات چیت ہوئی۔

مصباح الحق اور ندیم خان نے مستقبل کی حکمت عملی پر بھی تبادلہ خیال کرتے ہوئے چند اہم تجاویز پر غور کیا۔ دونوں نے ہائی پرفارمنس سینٹر لاہور میں 3  گھنٹے تک جاری رہنے والی بات چیت میں پاکستان کرکٹ کے مختلف امور پر غور کیا۔

یاد رہے گی ندیم خان کو ہائی پرفارمنس سینٹر میں ڈائریکٹر کا عہدہ سنبھالنے سے قبل ہیڈ کوچ اور صوبائی کوچز کے درمیان معاونت کیلیے کوآرڈینیٹر مقرر کیا گیا تھا، ذرائع کا کہنا ہے کہ اصولی طور پر اس عہدے کو چھوڑنے کے باوجود انہیں رابطہ پل کا کردار ادا کرنا ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔