- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
فشریز کی سڑکیں تباہ، گندے پانی سے تعفن پھیلنے لگا
کراچی: فش ہاربر اتھارٹی (فشریز) کے اطراف کی تمام سڑکیں تباہ ہوگئیں جب کہ فش ہاربر کے سامنے سڑک پر موجود گندے پانی سے علاقہ تعفن زدہ ہوگیا۔
ویسٹ وہارف سے فشریز تک موجود ٹوٹی پھوٹی سڑکیں کسی کچی آبادی یا جنگ زدہ علاقے کا منظر پیش کررہی ہیں، بندرگاہ کا یہ علاقہ پہچانے جانے کے قابل نہیں رہا، فشریز کی ٹوٹی پھوٹی سڑکوں پر غلیظ اور بدبو دار بہتے سیوریج کے پانی کا راج ہے، بندرگاہ کراچی کی پہچان اور آمدنی کا سب سے بڑا ذریعہ ہے مگر عدم توجہی کی وجہ سے یہاں کاروبار اور ملازمت کرنے والے شدید اذیت سے دوچار ہیں۔
فشریز ہاربر اتھارٹی کے گیٹ کے بالکل سامنے سڑک گٹر ابلنے سے سے نالے میں بدل چکا ہے، چھوٹی گاڑیوں حتیٰ کہ مال بردار ٹریلر بھی سست روی کے ساتھ انہی راستوں سے گزررہے ہیں، غریب ملازمین کے پاس اسی تعفن زدہ ماحول میں چھپروں پر کھانا کھانے کے علاوہ کوئی چارہ نہیں۔
کراچی فش ہاربر اتھارٹی سمندری غذا (سی فوڈ) برآمد کرنے کا ذریعہ ہے مگر برآمد کنندگان ان حالات میں کسی بھی غیر ملکی خریدار کو یہاں لانے کے متحمل نہیں ہوسکتے۔
پاکستان فشریز ایکسپورٹ ایسوسی ایشن کے چیئرمین محمد ظفر نے ایکسپریس کو بتایا کہ سمندری غذا کی برآمدات میں پہلے ہی مشکلات کا سامنا ہے اور اگر کسی بیرونی خریدار نے بندرگاہ کی سڑکوں اور ہاربر کے اطراف کا ماحول دیکھ لیا تو ہماری مشکل مزید بڑھ جائے گی اسی وجہ سے ہم انھیں یہاں لاکر اپنے پراسسنگ یونٹ کا دورہ نہیں کراسکتے۔
انہوں نے کہا کہ افسوس اس بات کا ہے کہ یہ علاقہ لاوارث لگتا ہے، کے پی ٹی، حکومت سندھ، محکمہ فشریز اور بلدیہ عظمیٰ کراچی صرف ایک دوسرے پر ذمے داری ڈال رہے ہیں، اگر کچھ منصوبے شروع بھی ہوئے تو ٹھیکیداروں نے عدم ادائیگی پر کام بند کردیا انھوں نے کہا کہ بارش سے پہلے بھی صورتحال اچھی نہیں تھی مگر اب تو بدتر ہوگئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔