صوبہ سندھ میں رجسٹرڈ گاڑیوں کی معلومات کیلئے ایس ایم ایس سروس شروع

ویب ڈیسک  اتوار 20 ستمبر 2020
ایس ایم ایس سروس گاڑیوں کی چوری اورغیرقانونی استعمال کے خلاف مدد گار ثابت ہوگی، صوبائی وزیر۔ فوٹو: فائل

ایس ایم ایس سروس گاڑیوں کی چوری اورغیرقانونی استعمال کے خلاف مدد گار ثابت ہوگی، صوبائی وزیر۔ فوٹو: فائل

کراچی: سندھ حکومت نے رجسٹرڈ گاڑیوں کی معلومات کہ لیے ایس ایم ایس سروس شروع کردی۔

ایکسپریس نیوزکے مطابق عوام کی سہولت کے لئے سندھ حکومت نے رجسٹرڈ گاڑیوں کی معلومات کہ لیے ایس ایم ایس سروس شروع کردی ہے، اور محکمہ ایکسائز سندھ نے ایس ایم ایس نمبر 8147 جاری کردیا ہے۔

صوبائی وزیر مکیش کمار چاولہ کا اس حوالے سے کہنا تھا کہ گاڑی مالک شناختی کارڈ نمبر 8147 پر ایس ایم ایس کرکے اپنی گاڑی کی معلومات گھر بیٹھے حاصل کرسکتا ہے، ایس ایم ایس سروس گاڑیوں کی چوری اورغیرقانونی استعمال کے خلاف مدد گار ثابت ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔