بھارت میں 3 منزلہ رہائشی عمارت گرنے سے 11 افراد ہلاک، 35 زخمی

 ممبئی: بھارت میں تین منزلہ رہائشی عمارت گرنے سے ملبے تلے دب کر 11 افراد ہلاک ہوگئے جب کہ 35 افراد کو بحفاظت نکال کر اسپتال منتقل کیا گیا ہے۔

بھارتی میڈیا کے مطابق ممبئی میں 40 سال پرانی تین منزلہ رہائشی عمارت منہدم ہوگئی، اس عمارت میں 20 خاندان آباد تھے۔ عمارت گرنے سے تمام رہائشی ملبے تلے دب گئے۔

ریسکیو ادارے کے 40 امدادی کارکنوں نے ملبے سے 35 افراد کو بحفاظت نکال لیا گیا جب کہ 11 لاشیں برآمد ہوئی ہیں، ہلاک ہونے والوں میں خواتین اور بچے بھی شامل ہیں۔

#UPDATE Maharashtra: One more person rescued from under the debris at the site of Bhiwandi building collapse incident.

10 people have lost their lives in the incident which took place earlier today. pic.twitter.com/deF2GiiLtK

— ANI (@ANI) September 21, 2020

بارش کے باعث امدادی کاموں میں مشکلات کا سامنا ہے۔ مہاراشٹرا حکومت نے ہلاک ہونے والوں کے لواحقین کے لیے 5 لاکھ فی کس امدادی رقم کا اعلان کیا ہے۔