آرمی چیف سے مسلم لیگ (ن) کے محمد زبیر نے 2 ملاقاتیں کیں، ڈی جی آئی ایس پی آر

ویب ڈیسک  بدھ 23 ستمبر 2020
قانونی مسائل عدالتوں، سیاسی مسائل پارلیمنٹ میں حل ہوں گے، آرمی چیف

قانونی مسائل عدالتوں، سیاسی مسائل پارلیمنٹ میں حل ہوں گے، آرمی چیف

 راولپنڈی: ڈی جی آئی ایس پی آر میجر جنرل بابر افتخار کا کہنا ہے کہ مسلم لیگ (ن) کے رہنما محمد زبیر نے آرمی چیف سے 2 ملاقاتیں کی ہیں۔

ڈی جی آئی ایس پی آر میجر جنرل بابر افتخار نے مسلم لیگ (ن) کے رہنماؤں کی عسکری قیادت سے ملاقات کی تصدیق کرتے ہوئے کہا کہ  سابق گورنر سندھ اور مسلم لیگ (ن) کے رہنما محمد زبیر نے آرمی چیف جنرل قمر جاوید باجوہ سے 2 ملاقاتیں کیں۔

اس خبر کو بھی پڑھیں؛ نوازشریف کے کسی نمائندے نے آرمی چیف سے ملاقات نہیں کی، مریم نواز

ڈی جی آئی ایس پی آر کا کہنا تھا کہ آرمی چیف جنرل قمر جاوید باجوہ سے دونوں ملاقاتیں محمد زبیرکی درخواست پرہوئیں اور یہ ملاقاتیں مسلم لیگ (ن) کے قائد نوازشریف اور ان کی صاحبزادی مریم نواز سے متعلق تھیں۔

ترجمان پاک فوج کا کہنا تھا کہ ملاقات میں ڈی جی آئی ایس آئی لیفٹننٹ جنرل فیض حمید بھی موجود تھے، پہلی ملاقات اگست کے آخری ہفتے اور دوسری ملاقات 7 ستمبرکو ہوئی۔

اس موقع پر آرمی چیف نے کہا کہ ان باتوں سے فوج کو دور رکھا جائے، قانونی مسائل عدالتوں، سیاسی مسائل پارلیمنٹ میں حل ہوں گے۔

اس خبر کو بھی پڑھیں؛ عسکری قیادت سے ن لیگ کی 2 ماہ کےدوران دو ملاقاتیں ہوئیں، شیخ رشید

واضح رہے وزیرریلوے شیخ رشید نے دعویٰ کیا تھا کہ مسلم لیگ (ن) کے رہنماؤں نے عسکری قیادت سے 2 ملاقاتیں کی ہیں تاہم مریم نواز نے آج صحافیوں سے بات کرتے ہوئے کہا تھا کہ نوازشریف کے کسی نمائندے نے آرمی چیف سے ملاقات نہیں کی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔