بیوہ اور 3 لڑکیاں اوباشوں کی ہوس کا نشانہ بن گئیں

3 افراد اسلحہ کے ضرور پر کار میں اغوا کر کے لے گئے، 2 افراد باہر کھڑے رہے جبکہ ایک نے زیادتی کی، بیوہ خاتون

نمائندگان ایکسپریس جمعـء 25 ستمبر 2020

3 افراد اسلحہ کے ضرور پر کار میں اغوا کر کے لے گئے، 2 افراد باہر کھڑے رہے جبکہ ایک نے زیادتی کی، بیوہ خاتون (فوٹو، فائل)

چشتیاں / چیچہ وطنی / قصور: مختلف علاقوں میں بیوہ اور 3 لڑکیوں کو زیادتی کا نشانہ بنا ڈالا گیا۔

چشتیاں سے نمائندے کے مطابق تھانہ بی ڈویژن کی حدود میں 50 فتح کی رہائشی بیوہ نے پولیس کو درخواست دی کہ 3 افراد اسلحہ کے ضرور پر کار میں اغوا کر کے لے گئے، 2 افراد باہر کھڑے رہے جبکہ ایک نے زیادتی کی۔

چیچہ وطنی میں چک نمبر 109/12ایل میں محنت کش بوٹا کی 15 سالہ بیٹی کو محلے کے نوجوان شعیب نے زیادتی کا نشانہ بنا ڈالا، قصور جمبر کلاں کے رہائشی عارف نے پولیس تھانہ صدر پھولنگر میں درخواست دی کہ اس کی 15 سالہ بیٹی گھر میں اکیلی تھی کہ اوباش نوجوان شفیق نے اسے ورغلا کر زیادتی کا نشانہ بنایا اور فرار ہو گیا۔

ادھر چونیاں کے علاقہ کھڈا والی میں19سالہ لڑکی (ش) کو فیاض نامی اوباش نے گھر میں گھس کر زیادتی کا نشانہ بنایا۔