پشاور میں وکیل کو اغوا کرنے والے دو ملزمان گرفتار،  مغوی بازیاب

ویب ڈیسک  اتوار 27 ستمبر 2020
ابتدائی تفتیش کے مطابق واقعہ پلاٹ تنازعہ کا شاخسانہ ہے،ایس پی صدر (فوٹو: فائل)

ابتدائی تفتیش کے مطابق واقعہ پلاٹ تنازعہ کا شاخسانہ ہے،ایس پی صدر (فوٹو: فائل)

پشاور: سرہند پولیس نے کارروائی کرکے مغوی وکیل کو بازیاب کراکے دو اغوا کاروں کو گرفتار کرلیا۔

ایس پی صدر عبدالسلام کے مطابق پشاور سرہند پولیس نے کارروائی کے دوران اغوا ہونے والے وکیل ایڈووکیٹ عمران کو بحفاظت بازیاب کرالیا، جب کہ دو مسلح اغوا کاروں کو گرفتارکرلیا گیا۔

ایس پی صدر نے بتایا کہ ملزمان کے قبضے سے جدید خود کار اسلحہ بھی برآمد ہوا ہے، اور دونوں کے خلاف مقدمہ بھی درج کرلیا گیا ہے، ملزمان نے ابتدائی تفتیش میں انکشاف کیا ہے انہو ں نے مغوی وکیل کو پلاٹ کے لین دین کے تنازعے پر قید کررکھا تھا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔