آج کا دن کیسا رہے گا

حمل:
21مارچ تا21اپریل

کوئی نہ کوئی سوچ آپ کے دماغ پر مسلط رہے گی قریبی عزیزوں کے ساتھ چھوٹی موٹی ان بن ہو سکتی ہے اپنے مزاج کو ٹھنڈا رکھنے کی کوشش کیجئے۔

ثور:
22 اپریل تا 20 مئی

ہر امر کا فیصلہ سوچ سمجھ کر اور ٹھنڈے دل سے کیجئے رقمی لین دین اگر کسی سے چل رہا ہے تو اسے صلح کن طریقے سے حل کیجئے تاکہ رقم واپس مل سکے۔

جوزا:
21 مئی تا 21جون

محبت کے معاملات توقع کے مطابق حل نہ ہو سکیں گے کوئی شخص بطور قرض رقم مانگ سکتا ہے ہرگز نہ دیں تاکہ تعلقات بحال رہ سکیں۔

سرطان:
22جون تا23جولائی

کوئی نیا کام ہرگز نہ کریں بلکہ کوشش کریں کہ جو کام آپ کر رہے ہیں اسے پایہ تکمیل تک پہنچا دیں صحت جسمانی پر توجہ دیں آج آپ کی طبیعت ناساز رہے گی۔

اسد:
24جولائی تا23اگست

نزدیکی سفر کی امید ہے اور یہ سفر فائدہ مند ثابت ہو سکے گا دماغ الجھا رہے گا اور ہو سکتا ہے الجھن کا سبب قریبی عزیز ہی ہوں لہٰذا اپنی آنکھیں کھلی رکھئے۔

سنبلہ:
24اگست تا23ستمبر

مایوسی کے اندھیرے اجالوں کی دبیز چادر تلے دم توڑ سکتے ہیں بس ضرورت اس بات کی ہے کہ اپنی سوچ کا انداز بدل دیجئے اور پھر دیکھیں ہر مسئلہ بفضل خدا حل ہوتا چلا جائے گا۔

میزان:
24ستمبر تا23اکتوبر

آپ کا مزاج قدرے سرد رہے گا اپنی توجہ کاروبار پر رکھیں اور اگر آپ اپنے مکان کی تعمیر کا منصوبہ بنا رہے ہیں تو ابھی سردست اسے نہ ہی کریں تو بہتر ہے۔

عقرب:
24اکتوبر تا22نومبر

آپ کے قریبی عزیز نت نئی افواہیں پھیلانے میں مصروف رہیں گے نئی رشتہ داری کے قائم ہونے کا امکان ہے غیر شادی شدہ افراد کو محتاط رہنے کی ضرورت ہے۔

قوس:
23نومبر تا22دسمبر

جو حضرات کاروبار کرتے ہیں بہت زیادہ فائدے کی توقع نہ رکھیں البتہ مشترکہ بزنس کرنے والے افراد کو قدرے کامیابی حاصل ہو سکتی ہے۔

جدی:
23دسمبر تا20جنوری

ہر شخص کو اپنا سمجھ لینا عقلمندی نہیں ہے افسران بالا کو خوش رکھنے کی کوشش کیجئے تاکہ ملازمت برقرار رہ سکے گھریلو امور میں دلچسپی لیں تاکہ شریک حیات کو بدظن ہونے کا موقع نہ مل سکے۔

دلو:
21جنوری تا19فروری

محبت کے معاملے میں کامیابی تو ہو گی مگر شادی کے معاملے میں الجھن کا شکار رہیں گے شریک کاروبار پر نظر رکھیں یہ کسی بھی طرح سے آپ کو نقصان پہنچا سکتے ہیں۔

حوت:
20 فروری تا 20 مارچ

آپ ہر سکیم کو بآسانی عملی شکل دے کر بہت کچھ حاصل کر سکیں گے یوں سمجھ لیجئے کہ جس قدر پریشانیاں آپ پر مسلط ہوں گی اس سے کئی گنا خوشیاں اور کامیابیاں حاصل ہو سکتی ہیں۔