شہریار آفریدی سے وزیر مملکت کا عہدہ واپس لے لیا گیا

ویب ڈیسک  پير 28 ستمبر 2020
شہریار آفریدی سیفران اور نارکوٹکس کے وزیر مملکت تھے فوٹو: فائل

شہریار آفریدی سیفران اور نارکوٹکس کے وزیر مملکت تھے فوٹو: فائل

 اسلام آباد: تحریک انصاف کے رہنما شہریارآفریدی سے وزیر مملکت کاعہدہ واپس لے لیا گیا ہے۔

شہریار آفریدی کی کابینہ سے چھٹی ہوگئی ہے، ان سے وزیرمملکت کاعہدہ واپس لے لیا گیا ہے، اس حوالے سے کابینہ ڈویژن نے بھی نوٹی فکیشن بھی جاری کردیا ہے۔

ذرائع کا کہنا ہے کہ وزیراعظم کی ہدایت پر کابینہ ڈویژن نے نوٹی فکیشن جاری کیا ہے تراہم وہ کشمیر کمیٹی کے چیئرمین رہیں گے۔

واضح رہے کہ شہریارآفریدی اپنی شعلہ بیانی کی وجہ سے مشہور ہیں، تحریک انصاف کی حکومت میں پہلے انہیں وزیر مملکت برائے داخلہ کا قلمدان تفویض کیا تھا تاہم بعد میں انہیں وزیر مملکت برائے بین الصوبائی رابطہ (سیفران) اور انسداد منشیات تفویض کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔