پنجاب میں پولیو کے 2 نئے کیسز رپورٹ، تعداد 12 ہوگئی

لاہور: ڈیرہ غازی خان اور وہاڑی کے دو بچوں میں پولیو کی تصدیق ہوئی ہے۔

انسداد پولیو پروگرام کے مطابق پنجاب سے 2 نئے پولیو کیس رپورٹ ہوئے ہیں، متاثرہ بچوں کا تعلق ڈیرہ غازی خان اور وہاڑی سے ہے، رواں سال نئے کیسز آنے کے بعد پنجاب میں پولیو کیسز کی تعداد 12 ہو گئی ہے۔

انسداد پولیو پروگرام کے ترجمان نے بتایا کہ ڈیرہ غازی خان سے متاثرہ بچے کی عمر 22 ماہ ہے، اوراس  کی دائیں ٹانگ پولیو سے متاثر ہوئی ہے، جب کہ وہاڑی میں متاثرہ بچے کی عمر 89 ماہ ہے، اور بچے کی بائیں ٹانگ پولیو سے متاثر ہوئی ہے تاہم بچہ کافی حد تک بحال ہو چکا ہے اور اس کے گھٹنے میں کمزوری کافی حد تک ٹھیک ہو چکی ہے، دونوں بچوں کا تعلق غریب گھرانوں سے ہے۔