پشاور میں دریائے خیالی کے کنارے سے 5 مارٹر گولے برآمد

 پشاور: دریائے خیالی کے کنارے سے 5 مارٹر گولے برآمد ہوئے جس کو بم ڈسپوزل اسکواڈ نے ناکارہ بنا دیا ہے۔

پشاور میں تھانہ داؤد زئی کی حدود میں دریائے خیالی کے کنارے سے پولیس نے 5 پرانے مارٹر گولے برآمد کرلیے جس کو ناکارہ بنانے کے لیے بم ڈسپوزل یونٹ کو طلب کیا گیا، بی ڈی یو نے مارٹر گولوں کو ناکارہ بنا کر محفوظ مقام پر منتقل کردیا ہے۔ ایس پی رورل سجاد کے مطابق مارٹر گولے کافی پرانے تھے تاہم اطلاع پر پولیس نے کارروائی کی اور علاقے کو تباہی سے بچالیا۔