- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
آتشزدگی کا دل خراش واقعہ، دو ننھی بہنیں جھلس کر جاں بحق
کراچی: بفرزون میں والدین کی غیر موجودگی میں گھر کے اندر آگ لگنے کے باعث دو ننھی بہنیں جھلس کر جاں بحق ہوگئیں۔
تفصیلات کے مطابق جمعرات کی دوپہر بفرزون سیکٹر پندرہ بی میں کیفے ٹوڈیز کے قریب تین منزلہ عمارت کی تیسری منزل پر واقع گھر میں آگ لگ گئی۔ اطلاع ملتے ہی پولیس ، ریسکیو ورکرز اور فائر بریگیڈ موقع پر پہنچ گئے اور امدادی کارروائیوں کا آغاز کیا۔
ایس ایچ او گبول ٹائون انسپکٹر روشن نے بتایا کہ واقعے کی اطلاع ملتے ہی پولیس کی نفری موقع پر پہنچی تو اندر سے بچوں کی آوازیں آرہی تھیں لیکن گھر کا مرکزی دروازہ لاک تھا۔ معلومات کرنے پر پتہ چلا کہ بچوں کا والد دفتر گیا ہوا ہے اور ماں سودا سلف لینے لینے بازار گئی ہے۔ گھر کا دروازہ لاک ہونے کے باعث گھر میں داخلہ ممکن نہیں ہوسکا تاہم پڑوسی کے گھر کی دیوار توڑنے کے لیے ہتھوڑے کا بندوبست کیا گیا۔
پولیس اور اہل علاقہ سخت جدوجہد کرتے رہے کہ کسی بھی طرح بچیوں کو جلد از جلد باہر نکالا جاسکے لیکن اس دوران آگ بھڑکتی رہی اور گھر میں دھواں بھرگیا۔ اس دوران فائر بریگیڈ بھی موقع پر پہنچ گئی ، گھر کا لاک توڑ کر اندر داخل ہوکر فائر بریگیڈ نے آگ پر قابو پالیااور دونوں بچیوں کو فوری طور پر عباسی شہید اسپتال لے جایا گیا لیکن وہ اس سے قبل ہی دم توڑ گئیں۔
ایس ایچ او نے مزید بتایا کہ جاں بحق ہونے والی بچیوں کی شناخت سات سالہ عمیمہ دختر حارث اور اس کی چھوٹی بہن چھ سالہ حمنہ کے نام سے کی گئی ہے۔
ایک سوال کے جواب میں ایس ایچ او انسپکٹر روشن نے بتایا کہ ابتدائی تحقیقات کے مطابق گھر میں لگے ہوئے یو پی ایس کی وائرنگ میں شارٹ سرکٹ ہوا جس کے باعث آگ لگی اور وہ پھیلتی چلی گئی۔ مذکورہ خاندان نے کچھ عرصہ قبل ہی اس گھر میں بطور کرائے دار رہائش اختیار کی تھی۔
علاوہ ازیں واقعے کی اطلاع ملنے پر جب بازار سے بچیوں کی والدہ واپس لوٹی تو صورتحال دیکھ کر اس پر غشی کے دورے پڑگئے اور اس کی حالت غیر ہوگئی۔، اہل محلہ نے انھیں دلاسہ دیتے ہوئے ان کے دیگر رشتے داروں کو مطلع کیا جبکہ بچیوں کے والد کو بھی فوری طور پر اطلاع دی گئی۔
اسپتال حکام کے مطابق دونوں بچیاں اسپتال پہنچنے سے قبل ہی دم توڑ چکی تھیں۔ ان کے جسم بھی بری طرح جھلسے ہوئے تھے۔ دلخراش واقعہ پیش آنے کے بعد علاقے میں سوگ کی فضا چھاگئی اور موقع پر موجود ہر آنکھ اشکبار دکھائی دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔