امریکا میں چھوٹا طیارہ پارکنگ میں کھڑی کار پر گر کر تباہ

 واشنگٹن: امریکا میں ایک انجن والا چھوٹا طیارہ پرواز بھرنے کے تھوڑی دیر بعد ہی ایک شاپنگ مال کی پارکنگ میں کھڑی کار پر گر گیا جس کے نتیجے میں کار اور طیارہ تباہ ہوگئے تاہم معجزانہ طور پر کوئی جانی نقصان نہیں ہوا۔

عالمی خبر رساں ادارے کے مطابق امریکی ریاست واشنگٹن کی پیئرس کاؤنٹی میں تھن فیلڈ کے علاقے سے ابورن ایئرپورٹ کے لیے پرواز بھرنے والا ایک انجن والا چھوٹا طیارہ ساؤتھ ہل کی پارکنگ میں کھڑی ایک کار پر گر گیا۔

The 53-year-old pilot somehow made it out of this wreckage alive, after crashing on takeoff into a car in the Target parking lot in Puyallup. The owner of the car had just parked and walked into the store with three children. She called it “a blessing of good timing.” pic.twitter.com/hgmmzNQvw2

— Gary Horcher (@GaryKIRO7) October 16, 2020

حادثے میں کار اور طیارہ مکمل طور پر تباہ ہوگئے تاہم خوش قسمتی سے اس وقت کار خالی تھی اور طیارے کے 53 سالہ پائلٹ کو بھی معمولی چوٹیں آئی ہیں پائلٹ طیارے سے خود باہر آیا اور چلتے ہوئے سڑک کنارے لیٹ گیا جنہیں اسپتال منتقل کردیا گیا ہے۔

فیڈرل ایوی ایشن کا کہنا ہے کہ ابتدائی طور پر طیارہ حادثے کی وجہ پاور سپلائی میں خرابی پیدا ہونا لگتی ہے تاہم حتمی بات انکوائری کمیٹی کی تحقیقات کے بعد ہی کہی جا سکتی ہے۔