- بشام خود کش حملہ؛ پاکستان سیکیورٹی بڑھائے اور سیکیورٹی رسک مکمل ختم کرے، چین
- عمران خان کا پیغام پوری طرح نہیں پہنچایا جا رہا، پی ٹی آئی اجلاس میں قانونی ٹیم پر تنقید
- جون تک پی آئی اے کی نجکاری کا عمل مکمل کرلیا جائے گا، وزیرخزانہ
- کراچی ایئرپورٹ سے جعلی دستاویزات پر بیرون ملک جانے والے 2 مسافر گرفتار
- ججوں کے خط کا معاملہ، سنی اتحاد کونسل کا قومی اسمبلی میں تحریک التوا جمع کرانے کا فیصلہ
- ضلع بدین کے ماحولیاتی نمونوں میں پولیو وائرس کی موجودگی کی تصدیق
- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
مغلپورہ زیادتی کیس، 100 دن گزر گئے، ملزمان ٹریس نہ ہوسکے، متاثرہ خاندان سےمحلہ داروں نے بھی تعلق توڑ دیا
لاہور: مغل پورہ زیادتی کیس میں100 دن گزرجانے کے باوجود تحقیقات کسی نتیجے پر نہ پہنچ سکی،اہم شواہد کی موجودگی کے باوجود ملزمان کا ٹریس نہ ہوسکنا تحقیقاتی ٹیموں کی کارکردگی پرسوالیہ نشان چھوڑ گیا۔
سابق چیف جسٹس ،وزیراعظم اور وزیراعلی پنجاب کے نوٹس لینے کے باوجود کیس تاریخ کا حصہ بن گیا، بچی کے والد شفقت اقبال نے سی سی پی او چوہدری شفیق احمد سمیت دیگر ارباب اختیار سے ملزمان کی گرفتاری کا مطالبہ کیا ہے ۔’’ایکسپریس ‘‘سے خصوصی گفتگو کرتے ہوئے شفقت اقبال کا کہنا تھا کہ جو محلے دار افسوسناک واقعے کے بعد ان کے ساتھ چلے تھے،ان کو پولیس نے مشکوک جانتے ہوئے اٹھایا جس کے باعث ان محلے داروں سے زندگی بھر کا تعلق خراب ہوگیا،پولیس ہمارے ساتھ بھر پور تعاون کررہی ہے،ہمارے مجرم یہاں نہ پکڑے گئے توروز محشر ان سے حساب لیں گے۔بچی کی سینے میں تکلیف کے باعث اس کی آخری سرجری ابھی نہیں کی گئی۔
مغل پورہ غوثیہ کالونی کی رہائشی 5 سالہ بچی کو 12ستمبرکو نامعلوم ملزمان نے زیادتی کا نشانہ بنایاتھا، پولیس نے نامعلوم ملزمان کے خلاف مقدمہ درج کرلیا ،سی سی ٹی وی فوٹیج کی مدد لی گئی اورمحلے داروں سمیت 100سے زائد افراد کو حراست میں لیا، بچی ایک ماہ سے زائد وقت تک اسپتال میں زیر علاج رہی،اس کا بیان بھی قلمبند کیا گیا،ملزمان کے خاکے تیار کیے گئے خاکے سے مشابہت پر 2 ملزمان کو حراست میں لیاگیا،4 ملزمان کا پولی گرافک اور ڈی این اے ٹیسٹ لیا گیا تاہم پولیس کسی حتمی نتیجے تک نہ پہنچ سکی،حراست میں لیے گئے افراد کو ایک ایک کرکے چھوڑدیا گیا مشابہت رکھنے پر حراست میں لیے گئے 2 افراد کو پولی گرافک اور ڈی این سے ٹیسٹ کے بعد رہا کردیا گیا،زیادتی کا نشانہ بننے والی بچی کی آخری سرجری نزلے زکام اور سینے میں انفیکشن کے باعث ملتوی کردی گئی ہے۔
’’ایکسپریس ‘‘ سے گفتگو کرتے ہوئے شفقت اقبال کا کہنا تھا کہ وہ سرکاری محکمہ میں ڈرائیور ہے ،اس کے 6بیٹے اور 4بیٹیاں ہیں،معصوم بچی بہن بھائیوں میں سب سے چھوٹی تھی۔والدکا کہنا تھا کہ وہ پہلے کی طرح معمول کی زندگی گزاررہی ہے،بچی کے سامنے افسوسناک واقعہ کا ذکر نہیں کیا جاتا،اب اسے گھر کے ساتھ منسلک اسکول میں داخل کرائیں گے، اللہ کا شکر کرتے ہیں کہ ہماری بچی کی جان بچ گئی ۔ذرائع کے مطابق تحقیقاتی ٹیموں سے ملزمان کی نشاندہی کے حوالے سے ڈی این اے ٹیسٹ کے لیے درست طریقے سے نمونے نہیں لیے گئے جس کے باعث ڈی این اے ٹیسٹ سے کوئی نتیجہ ہی نہیں نکل سکا، اب تحقیقاتی ٹیمیں ’’اندھیرے میں تیر‘‘ لگنے کا انتظار کررہی ہیں۔اس حوالے سے سی سی پی او کا کہنا ہے کہ انویسٹی گیشن کا سلسلہ جاری ہے،تحقیقاتی ٹیمیں پرامید ہیں کہ ملزمان کا سراغ لگا لیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔