ایف آئی آرسے ڈرنے والا نہیں ہوں، کیپٹن (ر) صفدر

ویب ڈیسک  منگل 20 اکتوبر 2020
میں مادرملت اورنوازشریف کا پیغام لے کرچلوں گا، کیپٹن صفدر

میں مادرملت اورنوازشریف کا پیغام لے کرچلوں گا، کیپٹن صفدر

 لاہور: کیپٹن (ر) صفدرکا کہنا ہے کہ ایف آئی آرکٹوانے سے ڈرنے والا نہیں ہوں۔

کیپٹن (ر) صفدرنے میڈیا سے گفتگوکرتے ہوئے کہا کہ جاہل مجھے مزارات کا تقدس سمجھارہے ہیں، ہم نسلوں سے مزارت کا ادب کرنے والے لوگ ہیں۔

کیپٹن (ر) صفدرنے کہا کہ ایف آئی آرکٹوانے والے کون لوگ ہیں، کیا خلا سے ایف آئی آرکٹوائی گئی، ایف آئی آرسے ڈرنے والا نہیں ہوں، رات کی تاریکی میں شب خون مارا گیا، میں مادرملت اورنوازشریف کا پیغام لے کرچلوں گا۔

اس خبرکو بھی پڑھیں: عدالت کا کیپٹن ریٹائرڈ صفدر کو رہا کرنے کا حکم

واضح رہے کہ مریم نوازکی مزارقائد پرحاضری کے دوران کیپٹن (ر) محمد صفدرنے نعرے بازی کی تھی اورمزارقائد کے احاطے میں ”ووٹ کو عزت دو“ کے نعرے لگائے تھے جس کے بعد مقدمہ درج کرکے انہیں گرفتارکرلیا گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔