ریتھک روشن کورونا وارڈ میں ڈانس کرنے والے ڈاکٹر کیساتھ رقص کیلیے بے تاب

ویب ڈیسک  منگل 20 اکتوبر 2020
آسام کے ڈاکٹر اروپ ویڈیو وائرل ہونے کے بعد ڈانس اسٹار بن گئے، فوٹو : فائل

آسام کے ڈاکٹر اروپ ویڈیو وائرل ہونے کے بعد ڈانس اسٹار بن گئے، فوٹو : فائل

 ممبئی: بھارت میں ایک ڈاکٹر کی حفاظتی لباس پہنے کورونا وارڈ میں رقص کرنے کی ویڈیو وائرل ہوئی جس پر بالی ووڈ اسٹار ریتھک روشن نے ڈاکٹر کے ساتھ ڈانس کرنے کی خواہش کا اظہار کیا ہے۔

سوشل میڈیا پر بھارتی ریاست آسام کے سلچار میڈیکل کالج کے ریکوری وارڈ میں ایک ڈاکٹر کی رقص کرنے کی ویڈیو نے کافی مقبولیت حاصل کی ہے۔ کورونا لباس پہنے نوجوان ڈاکٹر نے اداکار ریتھک روشن کی طرح قدموں کا خوبصورت استعمال کرتے ہوئے کورونا مریضوں کے سامنے لاجواب رقص پیش کیا۔

سوشل میڈیا پر ویڈیو وائرل ہوئی تو ڈاکٹر کے رقص کی تعریفوں کا تانتا بندھ گیا یہاں تک کہ معروف اداکار ریتھک روشن نے نے سماجی رابطے کی ویب سائٹ ٹویٹر پر رقص کی تعریف کرتے ہوئے لکھا کہ ڈاکٹر اروپ سے ڈانس سیکھنا چاہتا ہوں اور ان کے ساتھ انہی جیسا ڈانس کرنا چاہتا ہوں۔ جس کے لیے جلد آسام جاؤں گا۔

دوسری جانب ڈاکٹر اروپ سیناپتی نے جوابی ٹویٹ میں ریتھک روشن کی تعریف کا شکریہ ادا کرتے ہوئے لکھا کہ فلم ’ کہو نا پیار ہے‘ سے آپ میرے ہیرو اور انسپائریشن ہیں، میں آپ کو آسام میں خوش آمدید کہتا ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔