- اب مرد پولیس اہلکار خواجہ سراؤں کو گرفتار نہیں کرسکیں گے، نئے قواعد لاگو
- خواجہ آصف کی دبئی کے معروف ریسٹورنٹ میں پارٹنرشپ رہی ہے، نیب رپورٹ
- نیب نے مولانا فضل الرحمان کے بھائی ضیاء الرحمان کو طلب کرلیا
- شیخ رشید ایک بار پھر نواز شریف سے معافی مانگیں گے، رانا ثنا اللہ
- اسکروٹنی کمیٹی کی رپورٹ کے بعد فارن فنڈنگ کیس کی کھلی سماعت ہوگی، الیکشن کمیشن
- وزیراعظم قبائلی علاقوں میں انٹرنیٹ سروس کی بحالی پر کام کریں، اسلام آباد ہائی کورٹ
- امریکا علاقائی سطح پرافغان امن عمل کی حمایت کا خواہاں
- خیبر پختونخوا میں بچوں کے حفاظتی ٹیکہ جات کی شرح کو بہتر بنانے کا فیصلہ
- کوروناوبا؛ مزید 43 افراد جاں بحق؛ مجموعی اموات 11 ہزار سے زائد
- جنوبی افریقا کے ساتھ سیریزسے ملک میں انٹرنیشنل کرکٹ بحال ہونے کی بہت خوشی ہے، وسیم خان
- موٹراورانجن کے بغیر 880 کلومیٹر فی گھنٹہ گلائیڈر اڑانے کا ریکارڈ
- خلیجِ بنگال میں روزانہ پلاسٹک کے تین ارب ٹکڑے جمع ہورہے ہیں
- ورزش کی بدولت، پٹھے ازخود سوزش کے نقصانات کم کرتے ہیں
- ٹریفک پولیس کی ناقص منصوبہ بندی سے کرکٹ میچ وبال جان بن گیا
- خوشگوار موسم سے پروٹیز کا چہرہ کھل اٹھا
- کے ڈی اے ملازمین کو 3 ماہ سے تنخواہ نہیں مل سکی
- افغان ازبک لڑکی بہاول نگر پہنچ گئی، طالبعلم فہیم الرحمن سے نکاح کر لیا
- PTA نے پاکستان میں ویب سائٹ ’’ٹرو اسلام‘‘ بلاک کر دی
- سندھ حکومت کا شاپنگ مال ہفتے میں7روز کھولنے کا اعلان
- بھارت نے خطے میں عدم استحکام کیلیے گریٹ ڈبل گیم شروع کر دی
ملیر ڈیویلپمنٹ اتھارٹی میں کروڑوں کے گھپلے، تحقیقات شروع

کئی افسران کے بیان قلم بند، ایڈیشنل ڈائریکٹر جنرل ناصر خان پر بوگس ٹھیکوں،کنٹریکٹرز کو ادائیگیوں میں مبینہ کمیشن وصولی کے الزام فوٹو: فائل
کراچی: ملیر ڈیولپمنٹ اتھارٹی میں کروڑوں کے گھپلے پرتحقیقاتی ادارے حرکت میں آگئے۔
تفصیلات کے مطابق ادارہ ترقیات ملیر کے کئی زرخیز عہدوں کا تن تنہا چارج رکھنے والے گریڈ19 کے او پی ایس ایڈیشنل ڈائریکٹر جنرل محمد ناصر خان، ڈپٹی ڈائریکٹر فنانس انتخاب عالم سمیت دیگر افسران کیخلاف سرکاری فنڈز میں مبینہ خرد برد کیے جانے کے سنگین الزام پر اینٹی کرپشن ہیڈ کوارٹر کی جانب سے باقاعدہ تحقیقات کا آغاز کردیا گیا ہے اور اس سلسلے میں متعلقہ افسران کے بیان بھی قلم بند کیے جاچکے ہیں،محکمہ انسداد رشوت ستانی کے اندرونی ذرائع کے مطابق ناصر خان پر بوگس ٹھیکوں،کنٹریکٹرز کو ادائیگیوں میں مبینہ بھاری کمیشن وصولی سمیت دیگر نوعیت کے سنگین الزام ہیں جس پر تحقیقات کی جارہی ہیں۔
ذرائع کا کہنا ہے کہ مبینہ سیاسی آشیرباد کے باعث ناصر خان کو سندھ حکومت نے گریڈ19 کا او پی ایس افسر ہونے کے باوجود ایڈیشنل ڈائریکٹر جنرل جو کہ گریڈ20 کی پوسٹ ہے کے چارج سے نوازا ہوا ہے جس کیخلاف معروف قانون دان محمود اختر نقوی نے سندھ ہائی کورٹ سے رجوع کررکھا ہے۔
ذرائع کا کہنا ہے کہ ناصر خان نے ایم ڈی اے کے تمام زرخیز عہدوں جس میں محکمہ لینڈ، محکمہ فنانس اینڈ اکاؤنٹس کا چارج بھی اپنے پاس رکھا ہوا ہے جبکہ دوسری طرف وہ ایڈیشنل ڈائریکٹر جنرل کے عہدے کو بھی عدالتی احکام کیخلاف انجوائے کررہے ہیں۔
ذرائع کا مزید کہنا ہے کہ اینٹی کرپشن اسٹیبلشمنٹ ہیڈ کوارٹر کی جانب سے اس سلسلے میں ناصر خان اور ڈپٹی ڈائریکٹر فنانس اینڈ اکاؤنٹس انتخاب عالم پر فنڈز کی مبینہ خرد برد پر تحقیقات شروع کررکھی ہیں تاہم مذکورہ افسران تحقیقات کو سرد خانے کی نذر کرانے کی سر توڑ کوششوں میں مصروف ہیں جس کیلیے اینٹی کرپشن حکام پر شدیدسیاسی دباؤ ڈلوایا جارہا ہے۔
ذرائع کا کہنا ہے کہ ملیر ڈیولپمنٹ اتھارٹی کے او پی ایس ایڈیشنل ڈائریکٹر جنرل ناصر خان پر حساس اداروں کا نام استعمال کرکے مذموم مقاصد حاصل کیے جانے کا بھی الزام ہے،موجودہ صورتحال میں ایم ڈی اے کے مذکورہ افسران کیخلاف جلد بڑی کارروائی کا امکان ظاہر کیا جارہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔