انگلینڈ اور جنوبی افریقہ کے درمیان سیریز کے شیڈول کا اعلان

اسپورٹس رپورٹر  بدھ 21 اکتوبر 2020
کورونا وبا کے دوران انگلینڈ کا کسی دوسرے ملک میں جاکر کھیلنےکا پہلا تجربہ ہوگا

کورونا وبا کے دوران انگلینڈ کا کسی دوسرے ملک میں جاکر کھیلنےکا پہلا تجربہ ہوگا

انگلینڈ اور جنوبی افریقہ کے درمیان سیریزکے شیڈول کا اعلان کردیا گیا۔

انگلش کھلاڑی این مورگن کی قیادت میں انگلش ٹیم 16 نومبر کو خصوصی طیارے کے ذریعے کیپ ٹاون کی اڑان بھرے گی۔ پروگرام کے مطابق بند دروازوں میں ہونے والی سیریز کا آغاز 27 نومبر کو تین ٹی ٹوئنٹی میچز سے ہوگا۔

دونوں ٹیموں کے درمیان سیریز کا دوسرا میچ 29 نومبر کو رکھا گیا ہے اور تیسرا میچ یکم دسمبر کو طے ہے جب کہ 3 ایک روزہ میچز 9،6،4، دسمبر کو کھیلنے پر اتفاق کیا گیا ہے۔ کورونا وائرس کے دوران انگلینڈ کا کسی دوسرے ملک میں جاکر کھیلنےکا پہلا تجربہ ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔