خضدار میں مسافر کوچ میں آگ لگنے سے 5 مسافر جاں بحق، 2 زخمی

ویب ڈیسک  جمعـء 23 اکتوبر 2020
مسافر کوچ کراچی سے کوئٹہ آرہی تھی کہ اس دوران اس میں آگ لگ گئی فوٹو:فائل

مسافر کوچ کراچی سے کوئٹہ آرہی تھی کہ اس دوران اس میں آگ لگ گئی فوٹو:فائل

خضدار: قومی شاہراہ پر وڈھ کے علاقے میں مسافر کوچ میں آگ لگ گئی جس کے نتیجے میں 5 مسافر جاں بحق اور 2 زخمی ہوگئے۔

لیویز کے مطابق خضدار کی تحصیل وڈھ میں کراڑو کے مقام پر مسافر کوچ کراچی سے کوئٹہ آرہی تھی کہ اس دوران اس میں آگ لگ گئی۔

حادثہ علی الصبح پیش آیا اور آگ اس قدر شدید تھی کہ بہت سے مسافروں کو جان بچانے کا موقع ہی نہ مل سکا اور 5 مسافر جھلس کر جاں بحق جبکہ 2زخمی ہوگئے۔

حکام کے مطابق زخمی اور جاں بحق افراد کو ڈی ایچ کیو اسپتال منتقل کردیا گیا ہے جہاں زخمیوں کو طبی امداد فراہم کی جارہی ہے جبکہ واقعے کی تحقیقات بھی شروع کردی گئی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔