49 ہزار ٹیکس چوروں کو نوٹسز بھجوادیے گئے، ایف بی آر

اسلام آباد: فیڈرل بورڈ آف ریونیو(ایف بی آر) کا کہنا ہے کہ وفاقی حکومت کو ٹیکسوں کی مد میں 25 فیصد سے زائد آمدنی پٹرولیم مصنوعات سے حاصل ہوتی ہے۔

اس ضمن میں ایف بی آر حکام کا کہنا ہے کہ 54 فیصد کسٹم ڈیوٹیاں ایسی ہیں جن پر عائد ٹیکس تمام امپورٹرز کیلیے مساوی نہیں، حکومت آمدنی بڑھانے کیلیے ٹیکس نیٹ کا دائرہ کار وسیع کرنے کی کوششوں میں ہے۔

ایف بی آر کا کہنا ہے کہ فیڈرل بورڈ آف ریونیو کی جانب سے مجموعی طور پر 49 ہزار سے زائد ٹیکس نادہندگان کو نوٹسز بھجوائے جا چکے ہیں،آئندہ سال جون تک مزید50 ہزار ٹیکس چوروں کو نوٹسز بھجوائے جائینگے۔