افریقی ملک کیمرون میں اسکول پر حملہ، 8 بچے ہلاک

یاؤندے: وسطی افریقی ملک کیمرون کے ایک اسکول پر مسلح اور چاقو بردار حملہ آوروں نے بچوں کو نشانہ بنایا جس کے نتیجے میں 8 طلبا ہلاک اور متعدد زخمی ہوگئے۔

عالمی خبر رساں ادارے کے مطابق کیمرون کے شہر کومبا کے اسکول ’مدر فرانسسکا انٹرنیشنل بائی لینگیول اکیڈمی‘ پر سادہ لباس میں ملبوس موٹرسائیکل سواروں نے دھاوا بول دیا۔ حملہ آوروں نے اسکول پر اندھا دھند فائرنگ کی اور جان بچانے کے لیے بھاگنے والوں پر چاقو سے وار کیے۔

The Humanitarian Coordinator in #Cameroon, @mznaab strongly condemns the attack against Mother Francisca International Bilingual Academy in Kumba, in the South West region of Cameroon in which it is reported that at least eight children were killed and another twelve wounded. pic.twitter.com/vJfLOrlmw0

— OCHA Cameroon (@OchaCameroon) October 24, 2020

ایک سال بعد رواں ماہ ہی بحال ہونے والے اسکول پر سفاکانہ حملے میں 8 بچے ہلاک اور 13 زخمی ہوگئے۔ ہلاک اور زخمی ہونے والوں کو قریبی اسپتال منتقل کردیا گیا ہے جہاں 4 بچوں کی حالت نازک بتائی جارہی ہے۔ کچھ بچے اسکول کی دوسری منزل سے جان بچانے کے لیے کودنے کی وجہ سے زخمی ہوئے۔

تاحال کسی شدت پسند گروپ نے حملے کی ذمہ داری قبول نہیں کی ہے۔ کیمرون میں انگریزی اور فرانسیسی زبانیں بولی جاتی ہیں اور زبان کی بنیاد پر علیحدگی پسند تحریکیں بھی چل رہی ہیں جن کے حکومتی فوسرز کے ساتھ جھڑپیں معمول کا حصہ ہیں۔