- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، چیف جسٹس
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
فیس بک نے ’پڑوس سروس‘ پرغورشروع کردیا
سان فرانسسكو: فیس بک نے پڑوس کے علاقوں اور وہاں موجود سروس کے تعارف کے لیے ایک نئی سہولت پر غور شروع کردیا، اسے ’’فیس بک نیبرہُڈ‘‘ کا نام دیا گیا ہے۔
فیس بک کے صارفین کی تعداد اس وقت دو ارب 70 کروڑ افراد تک جاپہنچی ہے اسی بنا پر فیس بک نے آپ کے قریبی علاقوں میں موجود مختلف سروسز اور اشیا کی خرید و فروخت کی سہولت کا دائرہ کار وسیع کرتے ہوئے ’’فیس بک نیبر ہُڈ‘‘ پر غور شروع کردیا ہے۔ اسے فیس بک کی ایک اور سروس ’’نیکسٹ ڈور‘‘ کے مماثل قرار دیا جارہا ہے۔
اس سروس کے ذریعے آپ پڑوس میں موجود افراد ، سرگرمیوں اور وہاں فروخت ہونے والی اشیا کے متعلق معلومات حاصل کرسکیں گے اور خود اپنی سہولیات اور اشیا بھی ان کے ہاتھوں فروخت کرسکیں گے۔ فیس بک نے نوٹ کیا ہے کہ لاک ڈاؤن اور کووڈ 19 کے تناظر میں لوگوں نے اپنی ضروریات کے لیے آس پڑوس سے مدد لی ہے۔
فیس بک کے ترجمان نے کہا ہے کہ فیس بک کی مدد سے لوگ پڑوس کے کاموں اور معاملات میں شریک ہوتے ہیں۔ اسی کام کو آسان بنانے کے لیے ہم ’نیبرہُڈ‘ سروس شروع کررہے ہیں۔ فی الوقت یہ سروس صرف کینیڈا کے ایک شہر کیلگری کے لیے شروع کی گئی ہے۔ کسی کامیابی کی صورت میں اس کا دائرہ کار وسیع بھی کیا جاسکتا ہے۔
فیس بک ایپ میں اسے مارکیٹ پلیس، گروپس وغیرہ کے نیچے دیکھا جاسکتا ہے۔ اس کا ذکر سب سے پہلے سوشل میڈیا ماہر میٹ نویرا نے اپنی ایک ٹویٹ میں کیا تھا۔ علاوہ ازیں ماہرین نے اسے نیکسٹ ڈور جیسی سروس قرار دیا ہے جو پہلے سے فیس بک پر جاری ہے۔ نیکسٹ ڈور گوگل میپس کے ذریعے جغرافیائی پتے پر مشتمل ہے اور اسی بنا پر کام کرتی ہے۔
فیس بک پڑوس (نیبرہڈ) کا نظام ایسا رکھا گیا ہے کہ جوں ہی مخصوص لوگ کسی پڑوس سے وابستہ ہوں گے وہ پڑوس ازخود ’اوپن‘ ہوجائے گا۔ لیکن اس میں کوی ایڈمنسٹریٹر نہیں ہوگا بلکہ خود فیس بک اس کا نظام سنبھالے گا۔ دوسری جانب کمیونٹی سفیر جیسی کو شے بھی اس میں شامل نہیں ہوگی۔
اسے فیس بک گروپ سے بھی مختلف بنایا گیا ہے تاہم نیبرہڈ پر کلک کرتے ہی آپ کے مقام کے بارے میں پوچھا جاتا ہے۔ فیس بک نے جلد ہی اس کی مزید تفصیلات جاری کرنے کا اعلان کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔