کراچی میں گھر سے خاتون اور مرد کی لاشیں برآمد

ویب ڈیسک  بدھ 28 اکتوبر 2020
راشد نامی ملزم نے اہلیہ اور اس کے دوست کو قتل کیا ہے، پولیس حکام۔ فوٹو: فائل

راشد نامی ملزم نے اہلیہ اور اس کے دوست کو قتل کیا ہے، پولیس حکام۔ فوٹو: فائل

کراچی: پولیس حکام کا کہنا ہے کہ راشد نامی ملزم نے اہلیہ اور اس کے دوست کو قتل کیا ہے۔

ایکسپریس نیوز کے مطابق کراچی کے علاقے سرجانی ٹاؤن سیکٹر سیون ڈی میں گھر سے خاتون اور مرد کی لاشیں برآمد ہوئی ہیں۔ ریسکیو ذرائع کا کہنا ہے کہ دونوں کو چھریوں کے پے در پے وار کرکے قتل کیا گیا ہے، دونوں لاشیں ضابطے کی کارروائی کے لیے عباسی شہیداسپتال منتقل کردی گئیں۔

دوسری جانب پولیس حکام کا کہنا ہے کہ سرجانی ٹاؤن کے علاقے میں گھر سے خاتون اور مرد کی لاشیں ملی ہیں، راشد نامی ملزم نے اہلیہ اور اس کے دوست کو قتل کیا ہے، ملزم راشد سرجانی ٹاؤن میں ہی پنکچر کی دکان چلاتا ہے، مقتول کی شناخت سلمان کے نام سے ہوئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔