پولیس وردیوں میں ملبوس ملزمان کی خاتون سے اغواء کے بعد زیادتی

ویب ڈیسک  بدھ 28 اکتوبر 2020
پولیس نے مقدمہ درج کرکے دو ملزمان کو گرفتار کرلیا

پولیس نے مقدمہ درج کرکے دو ملزمان کو گرفتار کرلیا

شیخوپورہ میں پولیس وردیوں میں ملبوس ملزمان نے خاتون کو اغواء کرکے زیادتی کا نشانہ بنادیا۔

پولیس ترجمان کے مطابق فاروق آباد کے نواحی گاؤں ایسرکے میں پولیس وردیوں میں ملبوس ملزمان نے خاتون کو اغواء کرکے زیادتی کی۔

ملزمان خاتون کو ویرانے میں پھینک کر فرار ہوگئے۔ ہیلپ لائن 15 پر اطلاع ملنے پر پولیس موقع پر پہنچی۔ خاتون کی درخواست پر تھانہ صدر پولیس نے مقدمہ درج کرکے دو ملزمان کو گرفتار کرلیا۔ میڈیکل رپورٹ میں خاتون سے زیادتی کی تصدیق بھی ہوگئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔