عالمی ومقامی مارکیٹ میں سونے کی قیمت مزید کم ہوگئی

 کراچی: عالمی مارکیٹوں میں فی تولہ اور فی دس گرام سونے کی قیمتوں میں مزید کمی کے بعد پاکستان میں بھی سونے کی قیمت میں مزید کمی ہو گئی ہے۔

بین الاقوامی بلین مارکیٹ میں فی اونس 24 قیراط سونے کی قیمت 9 ڈالر کی کمی سے 1894ڈالر کی سطح پرپہنچنے کے باعث مقامی صرافہ مارکیٹوں میں بھی بدھ کو فی تولہ اور فی دس گرام سونے کی قیمتوں میں بالترتیب 1250روپے اور 1071روپے کی کمی واقع ہوئی۔

جسکے نتیجے میں کراچی حیدرآباد سکھر ملتان لاہور فیصل آباد اسلام آباد راولپنڈی پشاور اور کوئٹہ کی صرافہ مارکٹوں میں فی تولہ سونے کی قیمت گھٹ کر 113250روپے اور فی دس گرام سونے کی قیمت گھٹ کر 97094روپے ہوگئی۔

بلین مارکیٹ کے نمائندوں کا کہناہے کہ دبئی گولڈ مارکیٹ کے مقابلے میں پاکستانی صرافہ مارکیٹوں میں بدھ کو بھی فی تولہ سونے کی قیمت 2000روپے کم رہی ہے۔ اسی طرح فی تولہ چاندی کی قیمت 30روپے کی کمی سے 1200روپے اور دس گرام چاندی کی قیمت 25روپے 72پیسے کی کمی سے 1063روپے 10پیسے ہوگئی۔