تیل پر توانائی کا انحصار سودمند ثابت نہیں ہوگا، بھارتی ماہر معیشت

اسلام آباد: بھارتی ماہر معاشیات ڈاکٹر راجیو پشوری نے کہا ہے کہ پاکستان میں بجلی کی صورت حال بنگلا دیش سے بہتر ہے۔

پاکستان ڈھائی ارب یونٹ بجلی استعمال کرتا ہے ٗ بنگلہ دیش ایک ارب یونٹ بجلی استعمال کرتا ہے ٗپیاس، بھوک اور غربت پاکستان اوربھارت کے مشترکہ مسائل ہیں اور ان کے حل کے لیے مشترکہ کوششوں کی ضرورت ہے۔

اسلام آباد میں پاکستان ادارہ برائے معاشی ترقی ’’پائیڈ‘‘ کے سیمینار سے خطاب میں انہوں نے کہا کہ وزیر اعلیٰ پنجاب نے بھارت کے ساتھ مشترکہ بجلی کے منصوبے پر آمادگی ظاہر کی ہے، عالمی سطح پر تیل کے ذخائر کم ہو رہے ہیں اور قیمتیں بڑھ رہی ہیں، اس لیے تیل پر توانائی کا انحصار سود مند نہیں ہوگا اور سستی بجلی پر توجہ دینا ہوگی۔ ڈاکٹر پیشوری نے کہا کہ پاکستان اور بھارت متبادل توانائی کے کئی منصوبے شروع کرسکتے ہیں، وزیر اعلیٰ پنجاب شہباز شریف نے بھارت کیساتھ مشترکہ بجلی کے منصوبوں میں آمادگی ظاہر کی ہے۔