بالی ووڈ اداکار کو خاتون کے ساتھ نازیبا حرکت مہنگی پڑگئی

 ممبئی: بالی ووڈ اداکار وجے راز کو فلم کی شوٹنگ کے دوران خاتون کے ساتھ نازیبا حرکت کرنا مہنگا پڑ گیا۔

بالی ووڈ کے مشہور ڈائیلاگ ’’کوا بریانی‘‘ کی وجہ سے پہچانے جانے والے اداکار وجے راز کو اُس وقت حوالات جانا پڑا جب انہوں نے شوٹنگ کے دوران اسٹاف خاتون کے ساتھ نازیبا حرکت کی۔

پولیس کے مطابق اداکار وجے راز کو بھارتی ریاست مہاراشٹرا کی ڈسٹرکٹ گونڈیا سے گرفتار کیا گیا۔ اُن کی گرفتاری اُس وقت عمل میں آئی جب ایک خاتون کی جانب سے درخواست دائر کی گئی جس میں کہا گیا کہ وجے راز نے اُن کے ساتھ فلم ’شیرنی‘ کی شوٹنگ کے دوران نازیبا حرکت کی۔

Actor Vijay Raaz (file pic) was arrested from Gondia yesterday allegedly for molesting a woman crew member. A case has been registered: Atul Kulkarni, Additional SP, Gondia #Maharashtra pic.twitter.com/VfHoSXbJ7T

— ANI (@ANI) November 3, 2020

پولیس کا یہ بھی کہنا ہے کہ خاتون کی شکایت کے بعد اداکار کے خلاف مقدمہ درج کیا گیا لیکن جب انہیں تفتیش کے لیے طلب کیا گیا تو وہ پیش نہ ہوئے جس کے بعد انہیں گرفتار کرلیا گیا تاہم عدالت میں پیشی سے قبل ہی انہیں ضمانت پر رہا کردیا گیا۔

واضح رہے کہ وجے راز اپنے فنی کیریئر میں اب تک 5 سے زائد فلمیں کر چکے ہیں۔ اُن کی مشہور ترین فلموں میں ویلکم، دہلی بیلی، ممبئی ایکسپریس، بمبئی ٹو گوا، کمپنی اور ڈیڑھ عشقیہ شامل ہیں۔