ماڈل صدف کنول کو سوشل میڈیا صارفین نے ایک بار پھر آڑے ہاتھوں لے لیا

معروف ماڈل صدف کنول کی انسٹاگرام پر ایک ویڈیو وائرل ہوئی ہے جس میں انہیں ڈرامہ ہم سفر کا ٹائٹل سونگ گاتے ہوئے دیکھا جا سکتا ہے تاہم سوشل میڈیا صارفین کو صدف کی آواز پسند نہیں آئی اور وہ ایک بار پھر تنقید کا نشانہ بن گئیں۔ 

فرحت اشفاق کے ناول ’ہم سفر‘ کی ڈرامائی تشکیل میں  مائرہ خان اور فواد خان کی اداکاری نے ایسی جان ڈالی کہ اس سیریز نے کامیابی کئی ریکارڈ توڑ دیئے تھے۔ سرمد کھوسٹ کی ہدایتکاری میں بننے والے ڈرامے نے عوام میں خوب مقبولیت حاصل کی تھی۔

یہ خبر پڑھیں : ناقدین اپنی حد میں رہیں، صدف کنول نے خاموشی توڑ دی

یہیں سے ماہرہ خان و فواد خان کو شہرت ملی۔ اس ڈرامے کی ایک اور مقبول چیز دل سوز ٹائٹل سونگ ’ وہ ہم سفر تھا‘ ہے جسے قراۃ العین بلوچ نے اپنی مدھر آواز میں گایا اور جو آج تک مداحوں ے دلوں میں زندہ ہے۔

View this post on Instagram

Sadaf Kanwal sings a rendition of 'Humsafar' for her friends 🎶 #SadafKanwal

A post shared by Galaxy Lollywood (@galaxylollywood) on Nov 5, 2020 at 2:48am PST

صدف کنول نے اسی ٹائٹل کو گانے کی کوشش کی لیکن وہ بہتر انداز سے نبھا نہیں سکیں جس پر سوشل میڈیا صارفین نے ایک مرتبہ بھی انہیں تنقید کا نشانہ بنایا اور دلچسپ تبصرے بھی کیے۔

یہ خبر بھی پڑھیں : شہروز سبزواری اور صدف کنول رشتہ ازدواج میں منسلک

صدف کنول ایک کامیاب ماڈل ہیں اور کئی بار بیسٹ ماڈل کا اعزاز بھی حاصل کرچکی ہیں اور تین فلموں میں بھی مختصر سا کام کیا ہے تاہم اداکار شہروز سبزواری سے شادی کے بعد سے وہ سوشل میڈیا پر زیر بحث رہی ہیں۔ سائرہ کے مداح صدف کنول کو شہروز اور سائرہ کے درمیان طلاق کی وجہ سمجھتے ہیں اور اپنے غصے کا اظہار کرتے رہتے ہیں۔

اس خبر کو بھی پڑھیں؛ شہروز سبزواری اور سائرہ یوسف نے راہیں جدا کرلیں 

سوشل میڈیا صارفین کی اس تنقید پر طویل خاموشی کے بعد صدف کنول نے ناقدین کو اپنے حد میں رہنے کا مشورہ دیتے ہوئے کہا تھا کہ  ’’کسی اور کے بارے میں برا بھلا کہنے کے بجائے، انسان کے بچے بن کر رہیں، نفرت پھیلانے کے بجائے محبت بانٹیں اور منفی چیزوں کے بجائے مثبت چیزوں کو اپنانے کی کوشش کریں۔‘‘