جوبائیڈن کی جیت پر پاکستانی فنکار کیا کہتے ہیں؟

کراچی: امریکی صدارتی انتخابات میں سنسنی خیز مقابلے کے بعد ڈیموکریٹ پارٹی کے امیدوار جوبائیڈن بالآخر ڈونلڈ ٹرمپ کو شکست دے کر امریکا کے 46 ویں صدر منتخب ہوگئے ہیں۔ امریکی صدارتی انتخابات کے نتائج پر جہاں پوری دنیا کی نظریں ٹکی ہوئی تھیں وہیں پاکستانی فنکاروں نے بھی بائیڈن کی جیت پر اپنے خیالات کا اظہار کیا ہے۔

اداکارہ مہوش حیات نے امریکی صدارتی انتخابات کے نتائج میں ہونے والی تاریخ پر اپنی بے چینی کا اظہار کرتے ہوئے حالیہ الیکشن کو ٹیسٹ میچ قرار دیتے ہوئے کہا، بالآخر 5 روز بعد الیکشن کے نتائج سامنے آگئے۔ انہوں نے بائیڈن اور امریکا میں موجود اپنے دوستوں کو جیت کی مبارکباد دی جو اس دن کا بے چینی سے انتظار کررہے تھے۔ مہوش حیات نے امید ظاہر کی کہ جوبائیڈن کی جیت ہم سب کے لیے اچھی خبر لے کر آئے۔

Finally after an election that seemed like a test match that after 5days play was heading for a draw,we have a result!Congrats to @JoeBiden @KamalaHarris &my American friends who’ve been waiting with bated breath for this day. Hope that it will signal some good news for all of us

— Mehwish Hayat TI (@MehwishHayat) November 7, 2020

جوبائیڈن کی جیت کے ساتھ امریکی ڈیموکریٹ پارٹی کی کمالا ہیرس بھی امریکی تاریخ کی پہلی سیاہ فام خاتون نائب صدر منتخب ہوگئی ہیں۔ مہوش حیات نے کمالا ہیرس کی جیت پر کہا آپ کو اس اقدام کو سراہنے کے لیے امریکی ہونے کی ضرورت نہیں کہ کمالا ہیرس کی جیت کا مطلب خواتین کے لیے اور خاص طور پر ان خواتین کے لیے کیا ہے جو سیاہ فام ہیں۔

https://twitter.com/MehwishHayat/status/1325123703483498497

گلوکارہ قرۃالعین بلوچ جو اس وقت امریکا میں موجود ہیں نے ٹوئٹر پر اپنی تصویر شیئر کی جس میں وہ بائیڈن کی جیت کا جشن منارہی ہیں۔

#BidenHarris2020 after party #witness pic.twitter.com/57xhxTmtYM

— Quratulain Balouch (@Quratulainb) November 8, 2020

فخرعالم نے بھی جوبائیڈن کو جیت کی مبارکباد دیتے ہوئے کہا مبارک ہو نمبر 46 مسٹرپریزیڈنٹ۔

Congratulations Number 46…. Mr. President @JoeBiden

And for all my friends….I told you so… #2020Election #Election2020 #MakeAmericaGreatAgain

— Fakhr-e-Alam (@falamb3) November 7, 2020

اداکارہ ارمینا خان نے بھی کمالا ہیرس کی جیت پر خوشی کا اظہار کیا اور کہا کہ مجھے بہت اچھا لگتا ہے جب خواتین نئے سنگ میل عبور کرتی ہیں۔

https://twitter.com/ArmeenaRK/status/1325184787917787138