- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ پنجاب مریم نواز شریف نے پولیس وردی پہن لی
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
ڈاکٹر پنجوانی سینٹر میں کورونا وائرس ٹیسٹ سروس کا دوبارہ آغاز
کراچی: بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے سربراہ اور کو آرڈی نیٹر جنرل کومسٹیک، پروفیسر ڈاکٹر محمد اقبال چوہدری کا کہنا ہے کہ ڈاکٹر پنجوانی سینٹر برائے سالماتی طب و ادویاتی تحقیق، جامعہ کراچی نے کچھ عرصہ توقف کے بعداپنے وسائل بروئے کار لاتے ہوئے محدود پیمانے پر کورونا وائرس ٹیسٹ سروس کا دوبارہ آغاز کردیا ہے۔
یہ ٹیسٹ ڈاکٹر پنجوانی سینٹر کے نیشنل انسٹی ٹیوٹ آف وائرولوجی کی جدید بایو سیفٹی لیول تھری لیبارٹری میں کیے جائیں گے۔ اگر صوبائی حکومت کی جانب سے فری ٹیسٹوں کےلیے بنیادی فنڈنگ جاری کی گئی تو ان ٹیسٹوں کی تعداد روزانہ دو ہزار تک پہنچائی جاسکتی ہے۔
پروفیسر ڈاکٹر اقبال چوہدری ہفتے کو نیشنل انسٹی ٹیوٹ آف وائرولوجی، جامعہ کراچی میں منعقدہ ایک اجلاس سے خطاب کررہے تھے۔ انہوں نے کہا کہ عالمی وبا کے خلاف بین الاقوامی مرکز کی جانب سے محدود پیمانے پر کورونا وائرس ٹیسٹ سروس کا دوبارہ آغاز قومی مفاد میں ایک مستحسن عمل ہے۔
انہوں نے کہا کہ چند ماہ قبل سندھ حکومت نے ڈاکٹر پنجوانی سینٹر کے نیشنل انسٹی ٹیوٹ آف وائرولوجی کی جدید بایو سیفٹی لیول تھری لیبارٹری کی تکمیل کےلیے خطیر رقم مختص کی تھی ’’ڈاکٹر پنجوانی سینٹر پہلے بھی اس وبائی صورتِ حال میں ایک لاکھ دس ہزار سے زیادہ پی سی آر پر مبنی کورونا وائرس کے ٹیسٹ کرکے اپنی اعلیٰ تحقیقی استعداد ثابت کرچکا ہے،‘‘ یہ کہتے ہوئے انہوں نے وزیر اعلیٰ سندھ سید مراد علی شاہ اور صوبائی وزیر صحت ڈاکٹر عذرا فضل پیچو کے مسلسل تعاون کو بھی سراہا اور ان کا شکریہ ادا کیا۔
ڈاکٹر اقبال چوہدری نے کہا کہ نیشنل انسٹی ٹیوٹ آف وائرولوجی ایک جدید تحقیقی ادارہ ہے جو ڈاکٹر پنجوانی سینٹر، جامعہ کراچی کے زیر انتظام کام کرتا ہے۔ اس کی تمام تجربہ گاہیں عالمی ادارہ صحت کے متعین کردہ معیارات کے عین مطابق ہیں جہاں وائرولوجی سے متعلق تقریباً تمام ٹیسٹ انجام دینے کی صلاحیت موجود ہے۔ ان کا کہنا تھا کہ ماہرین اور جدید پی سی آر مشینیں و دیگر جدید ساز و سامان اس ادارے کی نمایاں ترین خصوصیات میں شامل ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔