- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
اراکین پنجاب اسمبلی کے اثاثوں کی تفصیلات جاری، ایک رکن کے اکاؤنٹ میں 217 روپے
الیکشن کمیشن نے پنجاب اسمبلی کے اراکین کے اثاثوں کی تفصیلات جاری کردیں۔
الیکشن کمیشن نے ارکان پنجاب اسمبلی کے مالی گوشوارے جاری کردیے جس کے مطابق وزیراعلی پنجاب عثمان بزدار 8 کروڑ 45 لاکھ سے زائد اثاثوں کے مالک ہیں۔ ان کے نام دو لگژری گاڑیاں اور چار ٹریکٹر ہیں اور 20 تولے سونا بھی ہے، تاہم ان کا اندرون یا بیرون ملک کوئی کاروبار نہیں۔
علیم خان ڈیڑھ ارب روپے سے زائد کے اثاثوں کے مالک نکلے تاہم ان کے ذمہ 74 کروڑ سے زائد رقم بھی واجب الادا ہے۔ اسپیکر پنجاب اسمبلی چوہدری پرویز الہی 22 کروڑ سے زائد، صوبائی وزیر راجہ بشارت دو کروڑ 93 لاکھ سے زائد، صوبائی وزیر راجہ راشد حفیظ 11 کروڑ سے زائد اثاثوں کے مالک ہیں۔
پی ٹی آئی کے اعجاز خان جازی کے اثاثے صرف دو لاکھ 74 ہزار ہیں، ان کے پاس نہ گاڑی نہ زیورات ہیں اور ان کا اندرون یا بیرون ملک کوئی کاروبار بھی نہیں۔
صوبائی وزیر فیاض الحسن چوہان کے پاس راولپنڈی میں 9 مرلے کا وراثتی گھر ہے جس کی قیمت تقریباً ساٹھ لاکھ بتائی ہے۔ ان کے پاس راولپنڈی میں چار مرلے کا پلاٹ اور دو لاکھ کا فرنیچر ہے جبکہ اکاؤنٹ میں13 لاکھ 38 ہزار آٹھ سو پانچ روپے موجود ہیں۔ ان کی جانب سے 64 لاکھ 56 ہزار 718 روپے کی ناقابل واپسی رقم منتقل کی گئی ہے۔
حمزہ شہباز کے اثاثوں کی مالیت 41 کروڑ سے زائد، احمد خان 5 کروڑ، میاں مجتبی شجاع الرحمان 13 کروڑ اور رانا مشہود 5 کروڑ سے زائد اثاثوں کے مالک ہیں۔
سب سے غریب رکن پنجاب اسمبلی ساجدہ یوسف نکلیں جن کے بینک اکاؤنٹ میں صرف 217 روپے ہیں۔ ان کے پاس نہ تو کوئی گاڑی ہے نہ زیور جبکہ اندرون ملک اور بیرون ملک کوئی پراپرٹی موجود نہیں۔
ن لیگ کے سلمان رفیق 8 کروڑ، میاں محمود الرشید 19 کروڑ اور یوسف رضا گیلانی کے بیٹے علی حیدر گیلانی 1 کروڑ سے زائد اثاثوں کے مالک ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔