- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہوا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
بھارت آزاد کشمیر اور گلگت بلتستان میں شورش کو ہوا دے رہا ہے، وزیرخارجہ
اسلام آباد: وزیر خارجہ شاہ محمود قریشی نے کہا ہے کہ بھارت آزاد جموں کشمیر اور گلگت بلتستان میں شورش کوہوا دے رہا ہے۔
وزیر خارجہ شاہ محمود قریشی نے ڈی جی آئی ایس پی آر میجر جنرل بابر افتخار کے ہمراہ مشترکہ پریس کانفرنس کرتے ہوئے ایل او سی پر گزشتہ روز بھارتی فوج کی اشتعال انگیزی اور بے گناہ شہریوں کو نشانہ بنانے کی شدید مذمت کی۔ انہوں نے کہا کہ بھارت ایل او سی پر جنگ بندی معاہدے کی مسلسل خلاف ورزیاں جاری رکھے ہوئے ہے، بھارت کی سرپرستی میں پاکستان میں دہشت گردی کے ثبوت دنیا کے سامنے لارہے ہیں اوربھارت کا مکروہ چہرہ بے نقاب کررہے ہیں، دنیا کی سب سے بڑی جمہوریہ ہونے کی دعویدار بھارتی ریاست بدمعاش اسٹیٹ بن چکی ہے، بھارت دہشت گردی کی ریاستی سرپرستی اورپاکستان کو عدم استحکام کا شکار کررہا ہے۔
یہ بھی پڑھیں: ایل او سی پر بھارتی فائرنگ سے 4 شہری اور ایک جوان شہید، 17 زخمی
شاہ محمود قریشی نے بتایا کہ ہمارے پاس بھارتی ریاستی دہشتگردی کے ناقابلِ تردید شواہد ہیں جو ڈوزیئر کی شکل میں قوم اور عالمی برادری کے سامنے رکھیں گے، پشاور اور کوئٹہ میں دہشتگردی واقعات کی بھارت سے پشت پناہی ہے، ٹی ٹی پی، جماعت الاحرار جیسی کالعدم تنظیموں کو اسلحہ دیا جا رہا ہے، ان کو بتایا گیا ہے کہ وہ علماء اور نمایاں شخصیات پر حملے کریں، پاکستان مخالف بلوچ تنظیموں کو بھی دباؤ ڈال کر اکٹھا کیا جارہا ہے، پاکستان میں نومبر اور دسمبر میں دہشت گردی کو بڑھانے کی اطلاعات ہیں، بڑے شہر کراچی، لاہور، پشاور اور دیگر میں دہشت گردی کرائی جائے گی، را اور پاکستان مخالف ایجنسیاں دہشت گردی بڑھا رہی ہیں۔
وزیر خارجہ نے کہا کہ پاکستان مزید خاموش نہیں رہے گا، نائن الیون کے بعد پاکستان نے فرنٹ لائن اسٹیٹ کے طور پر بھاری قیمت اٹھائی ہے، 2001ء سے 2020ء تک 19 ہزار230 دہشت گردی کے حملے برداشت کئے 25 ہزار شہیدوں کے ساتھ 80 ہزار سے زائد متاثر ہوئے پاکستان کو 126 ارب ڈالر کا نقصان پہنچا، پاکستان کو اقتصادی ترقی اور خوشحالی کے کئی مواقع کھونے پڑے۔
یہ بھی پڑھیں: بھارت کا دہشت گرد تنظیموں سے گٹھ جوڑ، پاکستان نے ڈوزیئر تیار کرلیا
شاہ محمود قریشی کا کہنا تھا کہ سی پیک کوسبوتاژکرنا بھارت کا واضح منصوبہ ہے، مصدقہ اطلاعات ہیں کہ انہوں نے سی پیک کو نشانہ بنانے کے لیے اپنی انٹیلی جنس ایجنسی میں ایک سیل بنایا ہے جو وزیراعظم مودی کی براہ راست نگرانی میں کام کرتا ہے، اس سیل کا مقصد سی پیک کو نقصان پہنچانا اور تاخیر کا شکار ہے، اس کام کے لیے اس سیل کو80 ارب روپے فراہم کیے گئے ہیں، اس کام کےلیے 700 افراد پر مشتمل ملیشیا بنائی گئی ہے، بلوچستان میں دہشت گردی کے واقعات میں اضافہ ہورہا ہے جو سب آپس میں مربوط ہیں، لیکن بھارت کو بتادینا چاہتا ہوں کہ سی پیک کی حفاظت کے لیے پاکستان تیار ہے۔
وزیر خارجہ نے کہا کہ ہندوستان آزاد کشمیر اور گلگت بلتستان میں شورش کو ہوا دے رہا ہے، الیکشن سے قبل قوم پرستوں کے ذریعے تخریب کاری اور قوم پرستی کو ہوا دینے کی کوشش کی، الیکشن کے بعد بھی ان کے ارادے نیک نہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔