- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
جسے پاکستان کو گالی دینی ہو وہ پاک فوج کو گالی دیتا ہے، پیرنورالحق قادری
لاہور : وفاقی وزیر مذہبی امور پیرنورالحق قادری نے کہا ہے جسے پاکستان کو گالی دینی ہو وہ پاک فوج کو گالی دیتا ہے۔
بادشاہی مسجد لاہور میں پیغام پاکستان کے تناظر میں منبر و محراب کانفرنس سے خطاب کے دوران پیرنورالحق قادری نے کہا پیغام پاکستان کو ممبر و محراب سے آگے بڑھانا ہے،علماء اور حکمرانوں کا طبقہ ایک دوسرے کو ٹھیک کرنے کا کردار ادا کریں، محراب اور ممبر کا کام جوڑنے کا ہے توڑنے کا نہیں ہے۔ وہ کتنا بد بخت مولوی ہو گا جس کی وجہ سے نمازیوں میں انتشار پیدا ہو جائے، ہمارے فکری اور فقہی اختلافات ثانوی حیثیت کے ہیں، محراب ومنبر سے تفرقہ بازی اور امت کو توڑنے کی بجائے اتحاد ویگانگت کا پیغام عام کرنے کی ضرورت ہے۔
نورالحق قادری نے کہا کہ جسے پاکستان کو گالی دینی ہو وہ پاک فوج کو گالی دیتا ہے، یہ ہمارے دشمن کا بیانیہ ہے جونئی دہلی سے ہوتا ہوا لندن جاتا ہے ، لندن سے پاکستان کیخلاف جتنی بھی سازشیں ہوئی سب ناکام ہوگئیں، پاک فوج پرالزام تراشی پاکستانی عوام کے لیے ناقابل قبول ہے۔
اس موقع پر مولاناعبدالخبیرآزاد نے کہا کہ پوری دنیا کے لوگ پیغام پاکستان کو پسند کر رہے ہیں،منبر و محراب نے ہیشہ امن، محبت اور رواداری کو دنیا کے سامنے پیش کیا، پیغام پاکستان کو ہم نے گھر گھر کی آواز بنانا ہے۔ پاکستان میں کسی ایسی سازش کو کامیاب نہیں ہونے دینا جو ملک کا امن خراب کرے، یہ افواج ہماری ہیں، سیکیورٹی ادارے ہمارے ہیں، یہ پولیس، قوم اور ملک ہمارے ہیں۔ منبر و محراب مذہبی رواداری کو فروغ دینے کا عظیم ذریعہ ہے۔ علما نے فرقہ واریت کو ختم کرنے میں کردار ادا کیاہے۔
جامعہ نعیمیہ کے سربراہ علامہ راغب نعیمی کا کہنا تھا ہمیں منبر و محراب کو عامیانہ نہیں بنانا ہے، عالم کے بغیر منبر کسی کو نہیں سجھتا، ہمیں توجہ کرنا ہوگی کہ عالم کے علاوہ کوئی منبر پہ نہ بیٹھے، منبر و محراب کاوارث شاہینوں کو بننا ہے، منبر و محراب نے ہمیشہ ریاستی اداروں کا ساتھ دیا ہے تاکہ نظریاتی اساس مضبوط رہے۔ ریاستی اداروں کا ساتھ دینا ہے تو یہ ادارے بھی سب کو ساتھ لے کر چلیں، ذاتی پسند نا پسند نہیں ہونی چاہئے۔ پاکستان میں امن و امان قائم کرنے کے لئے ایک ساتھ چلنا ہوگا۔
جامعہ اشرفیہ کے رہنما مولانا حافظ فضل رحیم اشرفی نے کہا تمام علما کرام پیغام پاکستان پرمتفق ہیں، منبر و محراب کے ذریعے علما کرام پر بڑی ذمہ داری ہوتی ہے، پیغام پاکستان حقیقی معنوں میں آئین پاکستان کے مطابق ہے، اللہ کا شکر ہے کہ پاکستان میں کوئی قانون بھی قرآن و سنت کے خلاف نہیں بنتا ہے۔ انہوں نے کہا اپنا مذہب چھوڑو نہیں، دوسرے کے مذہب کو چھیڑو نہیں کے فلسفے پرعمل کرنا ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔