کورونا کا شکار عامر لیاقت کو طبیعت بگڑنے پر اسپتال منتقل کردیا گیا

 کراچی: کورونا وائرس میں مبتلا ٹی وی میزبان اور قومی اسمبلی کے رکن عامر لیاقت حسین کو طبیعت بگڑنے کے باعث اسپتال منتقل کردیا گیا۔ 

عامر لیاقت حسین نے کچھ روز قبل اپنے اور اپنی اہلیہ کے کورونا وائرس میں مبتلا ہونے کی خبر دیتے ہوئے کہا تھا کہ ہم دونوں کووڈ 19 کے حملے کی زد میں ہیں اور گھریلو نسخوں سے اس مرض کا علاج کرنے کی کوشش کررہے ہیں۔

دنیا کو متاثر کرنے والی اس مہلک بیماری کی وجہ سے عامر لیاقت کی طبیعت مزید خراب ہو گئی ہے جس کے باعث انہیں اسپتال منتقل کردیا گیا ہے۔

مرے ورد لب ہے نبی نبی
مرا دل مقام حبیب ہے
میں مریض عشق رسول ہوں
وہ حبیب میرا طبیب ہے !!

ہاتھ جوڑ کر دعاؤں کی گذارش

کیونکہ میں کورونا سے

لڑ نہیں رہاہوں پناہ مانگ رہا ہوں pic.twitter.com/1wOkyjreT5

— Aamir Liaquat Husain (@AamirLiaquat) November 14, 2020

عامر لیاقت حسین نے خود ٹوئٹر پر اپنی دو تصویر شیئر کیں جس میں وہ بیمار اور کمزور دکھائی دے رہے ہیں۔ یہاں تک کہ انہیں سانس لینے میں دشواری کی وجہ سے مصنوعی سانس کی نالی بھی لگائی ہوئی ہے۔ تصویر کے ساتھ انہوں نے شعر لکھا اور کہا کہ میں ہاتھ جوڑ کر دعاؤں کی گزارش کرتا ہوں کیونکہ میں کورونا سے لڑ نہیں رہا ہوں بلکہ پناہ مانگ رہا ہوں۔

We had tested Covid positive last week but his health has now deteriorated to a point where his chest is badly infected. It’s my birthday today but there is nothing to celebrate as he is terribly sick & hospitalised,pls pray for us. It’s a difficult time.Cant see him like this https://t.co/PUrPFENoQ6

— SYEDA TUBA AAMIR (@TubaAtweets) November 14, 2020

عامر لیاقات کی صحت پر اُن کی اہلیہ نے بھی تشویش کا اظہار کرتے ہوئے لکھا کہ گزشتہ ہفتے کروائے جانے والے ٹیسٹ ہم دونوں کا کورونا ٹیسٹ مثبت آیا تھا لیکن اب عامر لیاقات کی طبیعت مزید بگڑنے  کے باعث اُن کا سینہ شدید متاثر ہوا ہے۔

یہ خبر بھی پڑھیں: عامر لیاقت اور طوبیٰ عامر کورونا وائرس کا شکار

طوبیٰ عامر نے یہ بھی لکھا کہ آج میری سالگرہ ہے لیکن مناسب نہیں ہے کہ ایسے وقت میں جب وہ شدید بیمار اور اسپتال میں داخل ہوں تو سالگرہ منائی جائے۔ یہ وقت ہمارے لئے مشکل ترین ہے اور انہیں اس حالت میں مجھ سے دیکھا نہیں جا رہا اس لئے برائے مہربانی ہم لوگوں کے لئے دعا کریں۔