وزیراعظم آج انتخابی اصلاحات پر قوم کو اعتماد میں لیں گے

 اسلام آباد: وزیراعظم عمران خان آج انتخابی اصلاحات پر قوم کو اعتماد میں لیں گے۔

ایکسپریس نیوز کے مطابق انتخابی اصلاحات اور آئینی ترامیم سے متعلق وفاقی حکومت نے ہوم ورک مکمل کرلیا ہے۔ وزیراعظم عمران خان آج سرکاری ٹی وی پر قوم سے اظہار خیال کریں گے، جس میں وہ انتخابی اصلاحات پر قوم کو اعتماد میں لیں گے۔ اس دوران انتخابی اصلاحات کے لئے قانون سازی اور آئینی تقاضوں پر بھی بات کی جائے گی، وزیر اعظم کے ہمراہ ریفارمز کمیٹی کے ارکان ،وفاقی وزراء اور قانونی ٹیم بھی ہوگی۔

دوسری جانب وزیراعظم نے انتخابی اصلاحات کمیٹی کو31 جنوری تک سفارشات کو حتمی شکل دینے کی ہدایت بھی دے دی ہے۔