ہمیں ماضی کو بھول کر مستقبل کی طرف دیکھنا چاہیے، ندیم

کراچی: فلم انڈسٹری کے سینئر ادکار ندیم نے کہا کہ ماضی کی طرف دیکھنے کے بجائے ہمیں اپنے مستقبل پر توجہ دینی چاہیے جو مشکل وقت گزر گیاوہ بہت مشکل دور تھا۔

اس موقع پر بھی اگر کچھ لوگوں نے ہمت کا مظاہرہ کرتے ہوئے اس عزم کو جاری رکھا کہ وہ پاکستان کی فلم انڈسٹری کو ایک دن اس مقام تک لے آئیں گے جو اس کا حق ہے،اسی عزم اور حوصلہ کا ساتھ دینے کے لیے نوجوانوں نے ان کا ساتھ دیا اور پھر وہ ہوا جس کی امید کی جارہی تھی، وقت نے کروٹ لی اور پھر پاکستانی فلم انڈسٹری کے ایک نئے دور کا آغاز ہوا۔یہ بات انھوں نے اپنے ایک انٹرویو میں کہی۔

انھوں نے کہا ہمیں کسی اور طرف دیکھنے کے بجائے اپنے اوپر اعتماد اور بھروسہ کرکے آگے بڑھنا چاہیے، یہی جذبہ ہمیں ترقی کی طرف لیجائے گا، انھوں نے کہا وقت اور سوچ دونوں بدل چکے ہیں کامیابی کے لیے ایک اچھی سوچ اہم کردار ادا کرتی ہے،ماضی کو بھول کر مستقبل کی طرف دیکھنا چاہیے کوشش کرنی چاہیے کہ کہ اب سے کوئی غلطی نہ ہو۔