اسلام آباد میں نشئی شوہر نے پیسے نہ دینے پر بیوی کو ذبح کردیا

مقتولہ فرزانہ اور اس کے بچے لوگوں کے گھروں میں کام کرکے روٹی کماتے تھے، پولیس

ویب ڈیسک جمعـء 20 نومبر 2020

مقتولہ فرزانہ اور اس کے بچے لوگوں کے گھروں میں کام کرکے روٹی کماتے تھے، پولیس۔ فوٹو : فائل

اسلام آباد: تھانہ سہالہ کی حدود ہمک میں نشئی شوہر نے پیسے دینے سے انکار کرنے پر بیوی کو ذبح کردیا۔

اسلام آباد میں تھانہ سہالہ کی حدود ہمک میں نشئی شوہر نے بیوی کو ذبح کردیا، پولیس کے مطابق 5 بچوں کی ماں فرزانہ کا شوہر نشہ کے لیے روز پیسے مانگتا تھا، آج بھی ملزم شوہر ناصر نے نشہ کے لئے پیسے دینے سے انکار پر چھری سے بیوی کو ذبح کر ڈالا۔

پولیس کے مطابق مقتولہ فرزانہ اور اس کے بچے لوگوں کے گھروں میں کام کرکے روٹی کماتے تھے، پولیس نے لاش پوسٹ مارٹم کے لیے اسپتال منتقل کردی ہے جب کہ واقعہ سے متعلق مزید تحقیقات کی جارہی ہیں۔