’’لَو جہاد‘‘ کو بہانہ بناکر مودی سرکار مسلمانوں کیخلاف نفرت پھیلا رہی ہے، وزیراعلیٰ راجستھان

نئی دہلی: بھارتی ریاست راجستھان کے وزیراعلیٰ اشوک گہلوت نے کہا ہے کہ ’لَو جہاد‘ کی اصطلاح دراصل بھارتیہ جنتا پارٹی کی اقلیتوں کے خلاف نفرت اور ملک میں فرقہ وارانہ ہم آہنگی کو خراب کرنے کی سازش ہے۔

بھارتی میڈیا کے مطابق راجستھان کے وزیراعلیٰ اشوک گہلوت نے حکمراں جماعت بی جے پی کی جانب سے ’لَو جہاد‘‘ کی آڑ میں ہندو لڑکیوں کے اسلام قبول کرکے مسلم لڑکوں سے شادی کے خلاف قانون سازی کی مذمت کرتے ہوئے کہا کہ شادی ایک انتہائی ذاتی نوعیت کا معاملہ ہے جس میں ریاست کو دخل اندازی کا اختیار نہیں۔

Love Jihad is a word manufactured by BJP to divide the Nation & disturb communal harmony. Marriage is a matter of personal liberty, bringing a law to curb it is completely unconstitutional & it will not stand in any court of law. Jihad has no place in Love.
1/

— Ashok Gehlot (@ashokgehlot51) November 20, 2020

اشوک گہلوت نے سماجی رابطے کی ویب سائٹ ٹوئٹر پر لکھا کہ ’’ لَو جہاد‘‘ کی اصطلاح دراصل مودی کی جماعت کی ایک اختراع ہے جس کا مقصد ملک میں فرقہ وارانہ اور مذہبی ہم آہنگی کو نقصان پہنچانا ہے۔ شادی جیسے معاملے میں قانون سازی غیر آئینی اقدام ہے جسے کسی بھی عدالت میں چیلنج کیا جا سکتا ہے۔

They are creating an environment in the nation where consenting adults would be at the mercy of state power. Marriage is a personal decision & they are putting curbs on it, which is like snatching away personal liberty.
2/

— Ashok Gehlot (@ashokgehlot51) November 20, 2020

حال ہی میں بی جے پی کی قیادت نے ’’ لَو جہاد‘‘ کی آڑ میں ہندو لڑکیوں کے اسلام قبول کرنے اور مسلم لڑکوں سے شادی کو رکوانے کے لیے قانون سازی کا عندیہ دیا تھا تاہم قانون سازوں اور ممتاز وکلاء نے اسے غیر آئینی قرار دیتے ہوئے مودی سرکار کو اس عمل سے باز رہنے کی تلقین کی ہے۔

واضح رہے کہ بھارت میں ہندو لڑکیوں کا اسلام قبول کرکے مسلم لڑکوں سے شادی کو متنازعہ بنانے کے لیے انتہا پسند حکمراں جماعت نے پسند کی اس شادی کو ’’لَو جہاد‘‘ کا بے بنیاد نام دیکر یہ تاثر پیش کیا تھا کہ ہندو لڑکیوں سے زبردستی کی جا رہی ہے۔