ایچ ای سی کا 2 سالہ ڈگری پروگرام ختم کرنے کا اعلان

کسی بھی کالج سے بی اے، بی کام، بی ایس سی کی ڈگری نہیں ملے گی، ایچ ای سی

ویب ڈیسک منگل 24 نومبر 2020

کسی بھی کالج سے بی اے، بی کام، بی ایس سی کی ڈگری نہیں ملے گی، ایچ ای سی

اسلام آباد: ہائر ایجوکیشن کمیشن (ایچ ای سی) نے 2 سالہ ڈگری پروگرام ختم کرنے کا اعلان کردیا۔

اعلیٰ تعلیمی کمیشن (ایچ ای سی) نے 2018 کے بعد سے تمام دو سالہ ڈگریاں غیر قانونی قرار دیتے ہوئے کہا ہے کہ کسی بھی کالج سے بیچلر آف آرٹس(بی اے)، بیچلر آف کامرس(بی کام) اور بیچلر آف سائنس (بی ایس سی) کی ڈگری نہیں ملے گی۔

یہ بھی پڑھیں: 2 سالہ بی اے، بی ایس سی، ایم اے، ایم ایس سی پروگرام بند کرنے کی ہدایت

ایچ ای سی نے کہا ہے کہ 2018 میں پابندی کے باوجود غیر قانونی پروگرام کا اجراء تشویشناک ہے، یونیورسٹیاں فوری طور پر ایسے پروگرامز میں داخلے بند کردیں، ایچ ای سی 31 دسمبر 2018 کے بعد ایسی کسی ڈگری کو تسلیم نہیں کرے گی۔