کورونا وبا؛ "فیشن پاکستان ویک" اگلے سال تک کے لیے ملتوی

ویب ڈیسک  بدھ 25 نومبر 2020
انتظامیہ نے موسم بہار اورموسم گرما میں ہونے والے پاکستان فیشن ویک کو بھی ملتوی کردیا تھا۔

انتظامیہ نے موسم بہار اورموسم گرما میں ہونے والے پاکستان فیشن ویک کو بھی ملتوی کردیا تھا۔

 کراچی: کورونا وبا کے پیش نظر فیشن پاکستان ویک اگلے سال تک کے لیے ملتوی کردیا گیا ہے۔

ملک میں جاری کورونا وبا کی دوسری لہرکے باعث بڑھتے ہوئے کیسزکے پیش نظر فیشن پاکستان ویک (ایف پی ڈبلیو) اگلے سال تک کے لیے ملتوی کردیا گیا ہے جو اگلے ماہ ہونا تھا تاہم اب انتظامیہ کی جانب سے فیشن ویک کو 2021 تک ملتوی کردیا گیا ہے۔

فیشن ویک کے انسٹا اکاؤنٹ پرانتظامیہ کی جانب سے کہا گیا کہ ہم امید کرتے ہیں کہ اگلے سال آپ سے ملاقات ہوگی۔ گھرپررہیئے اورمحفوظ رہیئے۔

اس سے قبل دسمبرمیں ہونے والے فیشن ویک کوکورونا وبا کے باعث 2 دن تک کے لیے محدود کردیا تھا۔

واضح رہے کہ انتظامیہ نے موسم بہاراورموسم گرما میں ہونے والے پاکستان فیشن ویک کوبھی کورونا وبا کے پیش نظرملتوی کردیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔