ارمینا خان کا شادی کی آفر کرنے والے شخص کو دلچسپ جواب

ویب ڈیسک  ہفتہ 28 نومبر 2020
ارمینا خان چاہتی تو دیگر لڑکیوں کی طرح اس سوال پر منفی ردعمل دے سکتی تھیں، صارفین کی تعریف

ارمینا خان چاہتی تو دیگر لڑکیوں کی طرح اس سوال پر منفی ردعمل دے سکتی تھیں، صارفین کی تعریف

 کراچی: معروف اداکارہ ارمینا خان نے شادی کی آفر کرنے والے شخص کو دلچسپ جواب دیکر سب کو حیران کر دیا۔

بن روئے، جانان، یلغار اور شیردل جیسی سپر ہٹ فلموں میںاداکاری کرنے والی ارمینا خان اپنے فنی کیریئر میں متعدد ڈراموں میں بھی کام کر چکی ہیں اور ان دنوں ڈرامہ سیریل ’محبتیں چاہتیں‘ میں منفی کردار ادا کر رہی ہیں۔

اداکارہ کی خاص بات یہ ہے کہ وہ سوشل میڈیا پر کافی متحرک رہتی ہیں یہاں تک کہ مداحوں کی جانب سے ان کی پوسٹ پر کیے گئے ہر کمنٹ کا جواب دینے کی کوشش کرتی ہیں تاہم گزشتہ روز ایک صارف نے اداکارہ سے ایسا سوال کرلیا جس پر انہوں نے عاجزی کے ساتھ جواب دیکر اپنے مداح کو لا جواب کردیا۔

الطاف نامی صارف نے ٹوئٹر پر امینا خان کو شادی کی آفر کرتے ہوئے لکھا کہ میں آپ سے شادی کرنا چاہتا ہوں جس پر ارمینا خان خاموش نہ رہیں، انہوں نے بھی صارف کی خواہش کا احترام کرتے ہوئے معذرت کی اور کہا کہ میری شادی ہو چکی ہے۔

https://twitter.com/ArmeenaRK/status/1332281334019002369

ارمینا خان کا اندازِ جواب سوشل میڈیا صارفین کو ایسے بھایا کہ وہ اداکارہ کی تعریف کیے بنا نہ رہے ایک صارف نے کہا کہ اداکارہ چاہتی تو دیگر لڑکیوں کی طرح اس سوال کے جواب پر منفی انداز میں جواب دے سکتی تھیں لیکن انہوں نے ایسا نہیں کیا اور احترام سے جواب دیا۔

یہ خبر بھی پڑھیں: صرف مثبت کردار کیساتھ کوئی اداکار آگے نہیں بڑھ سکتا، ارمینا خان

سارا نامی صارف نے کہا کہ ارمینا خان نے جس انداز سے مداح کو جواب دیا وہ قابل تعریف ہے کیوں کہ ہر کسی کے جذبات اور احساسات ہوتے ہیں اور انہوں نے سامنے والے شخص کا احترام کرتے ہوئے اپنا موقف بھی بتا دیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔