حریف سے ٹکر کی وجہ سے فٹبالر کی کھوپڑی چٹخ گئی

اسپورٹس ڈیسک  منگل 1 دسمبر 2020
اگلے چند روز تک وہ میڈیکل اسٹاف کی زیر نگرانی رہیں گے، ہم ان کی جلد صحتیابی کیلیے دعاگو ہیں، کلب ۔ فوٹو: فائل

اگلے چند روز تک وہ میڈیکل اسٹاف کی زیر نگرانی رہیں گے، ہم ان کی جلد صحتیابی کیلیے دعاگو ہیں، کلب ۔ فوٹو: فائل

 لندن:  انگلش پریمیئر لیگ میں آرسنل کے ڈیوڈ لوئز سے ٹکر کی وجہ سے ولوز کے اسٹرائیکر رال جمینیز کی کھوپڑی چٹخ گئی۔

انگلش پریمیئر لیگ کے ایک مقابلے میں اسٹرائیکر رال جمینیز کی ٹیم 1-2 سے فتحیاب رہی تھی، یہ ولوز کی 40 برس میں آرسنل پر پہلی فتح ہے، جمینیز کو 10 منٹ تک فیلڈ میں ہی طبی امداد دی گئی بعد ازاں اسپتال لے جایا گیا۔

کلب کا کہنا ہے کہ اگلے چند روز تک وہ میڈیکل اسٹاف کی زیر نگرانی رہیں گے، ہم ان کی جلد صحتیابی کیلیے دعاگو ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔