- نشئی شوہرکے مبینہ تشدد سے بیوی جاں بحق
- پاکستان میں دراندازی کے دوران ہلاک حملہ آور افغان باشندہ نکلا
- امریکا میں ڈانس پارٹی پر فائرنگ؛ 2 افراد ہلاک اور 6 زخمی
- کراچی؛ گرفتار منشیات ڈیلر کا روزانہ 50لاکھ کی منشیات فروخت کرنیکا انشکاف
- اسلام آباد سے سعودی شہری اغوا
- احسان اللہ کی انجری؛ پی سی بی نے تحقیقات کیلئے میڈیکل بورڈ تشکیل دیدیا
- پاکستان کی جانب سےغزہ کے لیے امداد کی 8 ویں قسط روانہ
- جاپان کے 2 فوجی ہیلی کاپٹرز سمندر میں گر کر تباہ؛ ہلاکتیں
- بابراعظم لیجنڈری عمران خان کا ریکارڈ توڑنے سے محض 10 میچز دور
- ڈی آئی خان؛ نامعلوم افراد کی فائرنگ سے 2کسٹم اہلکار اور مخبر جاں بحق
- پی ایس ایل فرنچائز کی شاندار روایت کو پی سی بی نے بھی اپنالیا
- سابق سینئر بیوروکریٹ روئیداد خان 101 برس کی عمر میں انتقال کرگئے
- لاہور؛ پی ٹی آئی کے سابق ایم پی اے شبیر گجر گرفتار
- پٹرولیم مصنوعات کی درآمدات میں 8 فیصد کمی
- پی آئی اے کے شیئرہولڈرز کا ہولڈنگ کمپنی کے حق میں ووٹ
- 65 سال عمرکی حد ختم، 20 لاکھ تنخواہ پرنئی تقرریوں کی راہ ہموار
- کراٹے کمبیٹ 45؛ پاکستان نے بھارت کو 1-2 سے شکست دیدی
- آئی ایم ایف نے نئے قرض پروگرام کیلیے پاکستان کی درخواست منظور کرلی
- اقبالؒ مادی ا نقلاب کو طے شدہ اخلاقی ضابطوں کا پابند دیکھنا چاہتے ہیں
- کراچی؛ دوست نے دوست کو ایک درجن سے زائد گولیاں مار کر قتل کر دیا
حرم شریف کی تزئین کی 24 سال پرانی ویڈیو نے اہلِ ایمان کے دل گرما دیئے
الریاض: سعودی عرب کے ادارہ برائے حرمین شریفین نے اپنے ٹوئٹر اکاؤنٹ پر ایک بہت ہی نایاب ویڈیو شیئر کرائی ہے جس میں خانہ کعبہ کے گرد اونچے اونچے سفید تختے دکھائی دے رہے ہیں اور خانہ کعبہ میں تزئین و تعیمرنو کا کام جاری ہے۔
تقریباً 40 منٹ طویل یہ ویڈیو چند ہفتے پہلے ایک یوٹیوب چینل ”مسلم مکہ“ پر اپ لوڈ کی گئی جسے ”خانہ کعبہ کی تاریخی تزئینِ نو“ کا عنوان دیا گیا ہے۔
عنوان کے ساتھ موجود وضاحت میں اس ویڈیو کی تاریخ 21 محرم الحرام 1417 ہجری (1996 عیسوی) بروز جمعہ تحریر ہے۔
اگر آپ اس ویڈیو میں خانہ کعبہ کی تزئین نو کا منظر دیکھنا چاہتے ہیں تو یہ منظر پہلی بار 9 بجکر 30 منٹ پر نمودار ہوتا ہے۔
اس منظر میں دیکھا جاسکتا ہے کہ کعبہ کو چاروں اطراف سے عارضی طور پر سفید لکڑی کی حفاظتی دیوار لگا کر بند کیا گیا ہے جس سے طواف کا سلسلہ بھی جاری ہے جبکہ دیوار کے پیچھے کاریگروں نے بھی اپنا کام جاری رکھا ہوا ہے۔
سعودی عرب کی نیوز ویب سائٹ ”اخبار 24“ کے مطابق، 1996 میں اس وقت کے سعودی فرمانروا شاہ فہد بن عبدالعزیز آلِ سعود کے دور میں مسجد الحرام میں بڑے پیمانے پر توسیع کا کام کیا گیا جبکہ اسی دوران کعبة اللہ کی عمارت کو بھی مرمت اور تعمیر و تزئین کے مراحل سے گزارا گیا۔
سعودی عرب کی ایک اور ویب سائٹ ”اردو نیوز“ پر اس حوالے سے بتایا گیا ہے کہ عثمانی سلطان، مراد چہارم کے بعد اتنے بڑے پیمانے پر بیت اللہ میں تعمیر نو کی گئی، جو تقریباً 375 برس بعد بیت اللہ شریف میں سب سے بڑی تزئین وتعمیر نو بھی تھی۔
اس تزئین نو کے دوران تاریخی بورڈ اور اشیا کو بحفاظت رکھا گیا جنہیں کام مکمل ہونے کے بعد دوبارہ نصب کردیا گیا۔
خانہ کعبہ کی عمارت میں تعمیر و تزئین نو کے دوران اندرونی و بیرونی دیواروں میں نصب قدیم پتھر انتہائی احتیاط و مہارت سے نکالے گئے جبکہ خانہ کعبہ کی اندرونی دیواروں کا پلاستر بھی نئے سرے سے کیا گیا۔
قدیم طرز تعمیر میں جو چٹانی پتھر استعمال کیے گئے تھے، ان کا درمیانی خلا پر کرنے کے لیے اس دور میں مروجہ تعمیراتی اجزاءکو جدید ٹیکنالوجی استعمال کرتے ہوئے نکالا گیا اور ان کی جگہ نیا پلاستر کرنے سے قبل دیواروں کے پتھروں کو تراش کر ہموار کیا گیا۔
خانہ کعبہ کے بارے میں ماہرینِ تاریخ بتاتے ہیں کہ اس عمارت کی بنیاد حضرت ابراہیم علیہ السلام کے زمانے ہی کی ہے جو چٹانی پتھروں سے رکھی گئی تھی۔
یہ بات دلچسپی سے پڑھی جائے گی کہ مسجد الحرام کی توسیع کا پہلا مرحلہ 1955 میں شروع کیا گیا تھا جس کا مقصد عمرہ زائرین اور عازمین حج کو ہر ممکن سہولت فراہم کرنا تھا۔
توسیع میں آب زم زم کے مقام کو بھی صحن مطاف سے منتقل کیا گیا تاکہ مطاف میں طواف کرنے والوں کو سہولت رہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔