تمام ملک انتقامی جذبات ابھارنے والے فیصلے نہ کریں،پاکستان

آن لائن  ہفتہ 28 دسمبر 2013
خطے کے تمام ممالک ماضی کی تلخیوں کو بھول کرباہمی تعاون کے ذریعے امن کی فضا برقرار رکھیں،ترجمان دفترخارجہ. فوٹو:فائل

خطے کے تمام ممالک ماضی کی تلخیوں کو بھول کرباہمی تعاون کے ذریعے امن کی فضا برقرار رکھیں،ترجمان دفترخارجہ. فوٹو:فائل

اسلام آ باد: دفترخارجہ کی ترجمان تسنیم اسلم نے کہا ہے کہ خطے کے تمام ممالک ماضی کی تلخیوں کو بھول کرباہمی تعاون کے ذریعے امن کی فضا برقرار رکھیں۔

ایک دوسرے کے جذبات مجروح کرنے والے اقدامات سے گریزکرنا چاہیے،ایک انٹرویو میں جاپان کے وزیراعظم شنزو ابے کے یاسوکونی مزار کے دورے کے حوالے سے ایک سوال پر ترجمان دفترخارجہ نے کہا کہ ہرملک دیگر اقوام کے جذبات کوٹھیس پہنچانے والے اقدامات سے گریزکرے دیگرممالک کے جذبات مجروح کرنے اور انتقامی جذبات ابھارنے والے اقدامات خطے کے لیے نقصان دہ ہیں، انھوں نے امید ظاہرکی کہ چین،کوریا اور جاپان ماضی کی تلخیوں کو بھلا کر باہمی تعاون کی فضا برقرار رکھیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔