چلی کے صدر پر ماسک نہ لگانے پر ہزاروں ڈالر جرمانہ

سینٹیاگو: چلی کے صدر سبستیان پنیرا پر ایک اجنبی خاتون کے ساتھ ساحل سمندر پر بغیر ماسک لگائے سیلفی لینے پر 3 ہزار 500 ڈالر جرمانہ عائد کیا گیا ہے۔

عالمی خبر رساں ادارے کے مطابق چلی کے صدر سبستیان پنیرا کی ایک ایسی تصویر وائرل ہوئی ہے جس میں ایک اجنبی خاتون ان کے ساتھ سیلفی لے رہی ہیں تاہم اس تصویر نے پورے ملک میں کہرام مچادیا ہے۔

Multan a Piñera en Chile con US$ 3500 por no usar tapabocas en la playa https://t.co/VpDOxq7kd6 pic.twitter.com/hIAXCqfTnP

— LA NACION (@LANACION) December 19, 2020

خاتون کے ساتھ تصویر میں چلی کے صدر نے ماسک نہیں پہنا ہوتا ہے اور چوں کہ ملک میں کورونا احتیاطوں کے حوالے سے سخت قوانین وضع کیے گئے ہیں جن کی خلاف ورزی پر جیل بھی جانا پڑسکتا ہے اس لیے سوشل میڈٖیا صارفین نے قانون توڑنے پر صدر پر خوب تنقید کی۔

چلی پولیس نے عوامی مقام پر ماسک نہ لگانے پر صدر سبستیان پنیرا پر 3 ہزار 500 ڈالر کا جرمانہ عائد کیا ہے باوجود اس کے کہ صدر نے قوم سے معافی مانگتے ہوئے موقف اختیار کیا کہ وہ واک کر رہے تھے کہ اچانک ایک اجنبی خاتون نے آکر سیلفی لینے کو کہا اور انہیں خیال نہیں رہا کہ وہ ماسک نہیں لگائے ہوئے ہیں۔

واضح رہے کہ چلی میں کورونا وائرس سے 5 لاکھ 81 ہزار سے تجاوز کرگئی ہے جب کہ اس مہلک وائرس سے ہلاک ہونے والوں کی تعداد 16 ہزار سے زیادہ ہوگئی ہے۔