- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
سی پیک سے پاکستان عالمی ویلیو چین میں داخل ہوگا،عاصم باجوہ
اسلام آباد: سی پیک اتھارٹی کے چیئرمین عاصم سلیم باجوہ نے کہاہے کہ سی پیک کے ذریعے پاکستان عالمی ویلیو چین میں داخل ہوگا۔
عاصم سلیم باجوہ نے کہاہے کہ کورونا وبا کے باعث معاشی اور صحت کے مسائل کے باوجود چین پاکستان اقتصادی راہداری(سی پیک) کے منصوبوں میں بڑی پیشرفت ہوئی ہے۔سی پیک کے ذریعے پاکستان عالمی ویلیو چین میں داخل ہوگا۔ انھوں نے کہا کہ سی پیک اب زباں زد عام لفظ بن چکا ہے۔
چین کے سفارتخانہ کے زیراہتمام سی پیک پراجیکٹس میں بہترین خدمات سر انجام دینے والے ملازمین کیلیے ورچوئل تقسیمِ ایوارڈ کی تقریب سے انھوں نے ایوارڈز جیتنے والے ملازمین کو مبارکباد پیش کی اور انہیں سخت محنت کرنے کی تاکید کی۔
سی پیک منصوبوں کے شاندار پاکستانی عملہ کو ایوارڈ دینے کی تقریب سے خطاب کرتے ہوئے باجوہ نے کہاکہ دنیا بھر میں وائرس کے باعث شدید دھچکا کے باوجود پہلا مرحلہ کامیابی سے مکمل کرنے کے بعد سی پیک کو دوسرے مرحلے میں شیڈول کے مطابق توسیع دی جارہی ہے۔ جس میں معاشی استحکام اور پاکستانی عوام کی فلاح یقینی بنائی جائے گی۔
پاکستان میں چینی سفارتخانے کی جانب سے منعقدہ تقریب کے دوران پن بجلی کے منصوبوں، اورنج لائن میٹرو ٹرین اور گوادر بندرگاہ سمیت سی پیک کے تحت توانائی اور ڈھانچے کے مختلف منصوبوں پر کام کرنے والے عملے کے کل18ارکان نے نمایاں کارکردگی پر ایوارڈ وصول کیا۔
چینی سفیر نونگ رونگ نے کہاکہ سی پیک نے عظیم کامیابی حاصل کی ہے اور دونوں ممالک کے تمام شعبہ ہائے زندگی سے تعلق رکھنے والے لوگوں،کاروباری اداروں اور حکومتوں کی مشترکہ کوششوں سے پاکستان کی ترقی اور علاقائی رابطوں میں شاندار کردار ادا کیاہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔